web counter
LEXO PA REKLAMA!

SHKARKO APP

App Store
Google Play

E fundit!

x

Danimarka do të zhvarrosë kafshët ku u gjet forma e mutuar e koronavirusit të ri

21 Dhjetor 2020, 14:32, Lifestyle CNA

Danimarka njoftoi në fillim të muajit të kaluar se do të shkatërronte të gjithë vizonët e saj, pasi u gjet një formë e mutuar e koronavirusit në fermat e vizonëve. Kishte shqetësime se varianti i mutuar mund të kërcënonte efektivitetin e vaksinave të ardhshme.

“Rreth katër milion vizonë do të zhvarrosen nga varret masive dhe do të digjen për të parandaluar ndotjen’, tha qeveria.

Ajo do të ndodhë në Maj, kur zyrtarët thonë se rreziku i përhapjes së koronavirusit nga kafshët e ngordhura do të ketë kaluar. Më shumë se 15 milion vizon janë mbytur në Danimarkë, duke shkatërruar industrinë e saj të gëzofit më e madhja në BE.

Disa nga vizonët e varrosur në varre masive në një zonë ushtarake në perëndim të vendit janë rishfaqur për shkak të gazrave të azotit dhe fosforit të prodhuar nga prishja e tyre.

Të dy vendet e varrimit janë shumë të diskutueshme, pasi njëri është afër një liqeni dhe tjetri jo shumë larg një burimi të ujit të pijshëm. Banorët janë ankuar për rrezikun e mundshëm të ndotjes.

Ministria e ushqimit dhe bujqësisë tha në një deklaratë të Dielën se qeveria kishte fituar mbështetje në parlament për të gërmuar vizonë vitin e ardhshëm./ Përshtatur nga CNA.al

Marrë nga BBC





Lajmet e fundit nga