web counter
LEXO PA REKLAMA!

SHKARKO APP

App Store
Google Play

E fundit!

x

Shoqërimi dhe dhunimi i aktivistëve/ Teatri i Kosovës: Qeveria po tenton shuarjen e zërit për drejtësi

20 Dhjetor 2020, 10:37, Aktualitet CNA

Shoqata Sindikale e Teatrit Kombëtar të Kosovës ka reaguar pas shoqërimit  dhe dhunimit të aktivistëve të Aleancës për Mbrojtjen e Teatrit nga policia mbrëmjen e djeshme.

Ajo dënon aktin dhe dhunën e përdorur ndaj tyre, teksa akuzon qeverinë se po tenton të shuajë përfundimisht zërin për drejtësi dhe rezistencë qytetare.

Shoqata Sindikale e Teatrit Kombëtar të Kosovës i bën thirrje institucioneve të shtetit shqiptar që ta ndërpresin menjëherë këtë qasje ndaj aktivistëve dhe qytetarëve, duke e kthyer drejtimin e shtetit në binarët e funksionimit demokratik.

MESAZHI I PLOTË
Shoqata Sindikale e Teatrit Kombëtar të Kosovës, dënon fuqishëm aktin e arrestimit dhe dhunën e përdorur mbrëmë tek Pedonalja në Tiranë nga Policia e Shtetit, ndaj aktivistëve të Aleancës për Mbrojtën e Teatrit: Titi Seranaj, Donald Martini, Gentjan Hasani dhe Ergys Mërtiri.
Qeveria e Republikës së Shqipërisë, pasi në mënyrë arbitrare rrënoi godinën e Teatrit Kombëtar, tani nëpërmjet këtyre reprezaleve kundër aktivistëve, po tenton ta rrënoj edhe moralisht këtë ndërtesë, për ta shuar përfundimisht zërin për drejtësi dhe rezistencë qytetare.
Shoqata Sindikale e Teatrit Kombëtar të Kosovës konsideron se akte të tilla dhune e represioni, nuk kanë lidhje me demokracinë dhe i bën thirrje Institucioneve drejtuese të shtetit shqiptar, që ta ndërprenë menjëherë këtë qasje ndaj aktivistëve dhe qytetarëve, duke e kthyer drejtimin e shtetit në binarët e funksionimit demokratik.
Shoqata Sindikale e Teatrit Kombëtar të Kosovës i siguron aktivistët, se ashtu siç ishte në përkrahje të pa rezervë për mbrojtjen e godinës së Teatrit Kombëtar, është më ta edhe tani kur po cenohet liria dhe integriteti fizik i atyre që u vunë dhe janë në ballë të kësaj kauze.
SHSTKK; 20.12.2020

 





Lajmet e fundit nga