Daja sulmon lojtarin e tij: Sa herë futet ai, ne pësojmë gol

19 Dhjetor 2020, 19:06, Sport CNA

Trajneri i Partizanit Ilir Daja u prononcua për emisionin ?Gol pas goli? në ?Supersport? pas barazimit 0-0 me Bylisin. ?Doja të shikoja tabelën e klasifikimit përpara se të nisnim bisedën. Prandaj, e kërkova, po flitet sikur s?kemi bërë asgjë. Me këdo që flas, respektova kolegët e mi, megjithëse përgjegjësia është e imja. Po ju dëgjoja. prandaj kërkova tabelën.

Me gjithë këto probleme që cituat, prapë Partizani është në vendin e tretë pas fazës së parë. Në pjesën më të madhe, kemi një ndeshje jo të mirë Shkodër. Me Teutën kishim rastet tona, goditëm shtyllën. Tirana nuk është se kishte diçka të jashtëzakonshme. Ekipet e tjera kanë nga 14-15 futbollistë, kurse ne kemi mbetur me ata që kemi patur.

Melo ? Nëse kemi një humbje me Kastriotin dhe Vllazninë dhe kemi një penallti me Teutën, Melo futet në 20-25 minutat e fundit dhe në vend të ruajmë balancat, ndëshkohemi. Askush s?e ka vendin e sigurtë. Me këtë paraqitje do të pranoja të luaja me lojtar të ri, sesa me një që ka emër.

Ndonjëherë, kur kërkon ta fitosh lojën me domosdoshmëri, prish dhe disa gjëra. Nuk kam qenë direkt në stol. Këtë pyetje mund t?ua bëni lojtarëve nëse duhej të fitonin për mua. Futbolli është i vështirë, dyluftimi do mentalitet fitues, nuk mund ta fitosh kur je kaq i lehtë. Shikoni lojtarët e Bylisit, donin t?i fitonin, tek ne ka disa lojtarë kur ndeshja shkon 95 minuta, nuk preferojnë të luajnë me top kur në 4 nga 5 minutat e fundit vonohet loja me faulla. Ky është problemi më i madh që shoh.

Nuk e shoh kaq zi situatën, futbolli është ekuilibër. Kemi 4 mbrojtësa, sigurisht që do sakrifikosh më shumë në sulm për mbrojtjen. Do ta shohim mundësinë tonë në të dy fazat e lojës. Nuk mund të bëjmë spektakël të fitojmë 3-0, 4-0 sepse duhet të minimizojmë problematikat.

Sot i kam parë gjitha ndeshjet e luajtura, nuk kam parë ndonjë spektakël të jashtëzakonshëm. Kam parë Kastrioti-Kukësi, janë dy rivalët tanë brenda një jave. Të jemi profesionistë. Në dy muaj kemi bërë 9 ndeshje radhazi. Kemi luajtur me 12 lojtarë gjithsej. Do kemi këto vështirësi, nuk u pa vetëm me Bylisin sot. Do kemi probleme dhe në vazhdimësi.

Duhet ta thuash pse, duhet ta bësh analizën më të thellë. Kam parë shumë pak nga ajo ndeshje e Vllaznisë, nuk ka patur shumë spektakël. Thoni me të drejtë që lojtarët të japin më shumë.

Do ta bëjmë me ata lojtarë që janë në gjendje të mirë, jo me ata që shëtisin në fushë?, përfundoi trajneri i Partizanit Ilir Daja.