web counter
LEXO PA REKLAMA!

SHKARKO APP

App Store
Google Play

E fundit!

x

Vaksinat anti-Covid/ Virologu: Dozat e para në Shqipëri do vijnë si ndihma

18 Dhjetor 2020, 21:10, Lifestyle CNA

Virologu shqiptar në SHBA dhe drejtori i zhvillimit të vaksinave në kompaninë GeoVax Arban Domi, ka folur mbrëmjen e sotme për sigurimin e vaksinës anti-Covid nga Shqipëria.

Domi tha se Shqipëria dozat e para të vaksinës do i marrë si ndihma nga BE dhe SHBA, ndërsa theksoi se ata nuk janë të mjaftueshme për mbulimin e popullatës.

“Zhvillimi i vaksinave mund të përqendrohemi te dy kryesoret Pfizer dhe Moderna. Të dyja janë më të avancuar. Pfizer ka filluar dhe Moderna fillon javën tjetër. Dy të tjerat që do vijë 2-3 muajt e ardhëm AstraZeneca dhe  Johnson & Johnson që pritet të vij në 3-mujorin e dytë të 2021. Pfizer dhe Moderna janë kryesoret.

Duhet të jemi realistë se vaksinat e para në Shqipëri do të jenë ndihmë nga Komiteti Europian dhe një numër i caktuar mund të vijnë edhe nga SHBA, por me ndihmën nuk mund të bësh një strategji afatgjatë. Dita e fillimit të vaksinimit  nuk ka rëndësi, por që të kesh një numër të mjaftueshme dozash që të bësh një planifikim të nevojshëm, mjafton të vijnë edhe 20 mijë doza nga ndihmat, ja u imunizua personeli mjekësor, por për popullsinë kjo nuk ka asnjë vlerë nëse nuk fillon vaksinimi i moshës së thyer“, u shpreh ai për Report TV.

Domi theksoi se Shqipëria duhet të beje një plan të rregullt për vaksinat, duke filluar nga transporti, kushtet e ruajtjes dhe shpërndarja./ CNA.al





Lajmet e fundit nga