Ndalimi i 7 policëve në Korçë/ SHÇBA jep detaje: Si i favorizuan subjektet për prerjen e druve

18 Dhjetor 2020, 19:25, Kronika CNA

SHÇBA ka reaguar zyrtarisht opër ndalimin e 7 efektivëve të akuzuar për shpërdorim detyre.

SHÇBA deklaron se strukturat në Elbasan – Korçë, kanë ekzekutuar vendimin penal të Gjykatës së Rrethit Gjyqësor Korçë për caktimin e masës së sigurimit personal ndaj 7 punonjësve të policisë, efektivë të DVP Korçë?.

Ata janë:

Adrian Cekici, 54 vjeç, me detyrë trupë shërbimi, Patrullë e Përgjithshme në Komisaratin e policisë Maliq, me masë sigurie ?Arrest në burg?,

Ardian Shepllo, 49 vjeç, me detyrë trupë shërbimi, Patrullë e Përgjithshme në Komisaratin e policisë Maliq, me masë sigurie ?Arrest në burg?;

Fillon Kazaferi, 47 vjeç, me detyrë trupë shërbimi, Patrullë e Përgjithshme në Komisaratin e policisë Maliq me masë sigurie ?Arrest në burg”;

Marius Kapllanaj, 28 vjeç, me detyrë trupë shërbimi, DVP Korçë me masë sigurie ?Arrest në burg?.

Ylli Damo, 49 vjeç, me detyrë trupë shërbimi, Patrullë e Përgjithshme në Komisaratin e policisë Maliq me masë sigurie ?Arrest në burg?;

Fatjola Qose, 30 vjeçe, me detyrë trupë shërbimi në DVP Korçë me masë sigurie ?Pezullimi i ushtrimit të një detyre a shërbimi publik?.

Orges Vojkollari, 25 vjeç, me detyrë trupë shërbimi, Patrullë e Përgjithshme në Komisaratin e Policisë Maliq me masë sigurie ?Pezullimi i ushtrimit të një detyre a shërbimi publik?.

Masat u bënë të mundura pas një hetimi disa-mujor të SHÇBA-së në bashkëpunim me Prokurorinë e Rrethit Gjyqësor Korçë, ku falë përdorimit të metodave speciale të hetimit u arrit të dokumentohet veprimtaria e paligjshme e punonjësve, të cilët dyshohet se kanë favorizuar subjekte të ndryshme në fushën e prerjes dhe transportimit të paligjshëm të lëndëve drusore në territorin e Maliqit, duke informuar këto subjekte mbi vendkontrollet e policisë, lëvizjen e shërbimeve dhe operacionet policore, me qëllim mosgoditjen e kësaj veprimtarie të paligjshme.

SHÇBA mbetet e përkushtuar në misionin e saj për zbatimin e ligjit duke reaguar me shpejtësi dhe efikasitet për vendosjen përpara ligjit të punonjësve që abuzojnë me detyrën./ CNA.al