web counter
LEXO PA REKLAMA!

SHKARKO APP

App Store
Google Play

E fundit!

x

Vrau shokun me armë gjahu/ Arrestohet 18 vjeçari, zbulohen veprat penale që akuzohet

18 Dhjetor 2020, 11:56, Kronika CNA

Policia e Dibrës ka vënë në pranga 18 vjeçarin i cili vrau me armë gjahu shokun e tij.

Përmes një njoftimi, Policia bën me dije se ndaj 18 vjeçarit  janë ngritur dy vepra penale, ?Vrasja nga pakujdesia? dhe ?Prodhimi dhe mbajta pa leje e armë të gjuetisë dhe sportive?

?Dibër

Zbardhet dhe dokumentohet ngjarja e ndodhur ditën e djeshme në Maqellarë.

Vihet në pranga 18- vjeçari për vrasje nga pakujdesia, si dhe procedohet penalisht në gjendje të lirë një shtetas tjetër. Sekuestrohet arma e gjahut tip çifte, me të cilën autori i dyshuar , nga pakujdesia plagosi me pasojë vdekjen 27- vjeçarin.

Strukturat për Hetimin e Krimit në Drejtorinë Vendore të Policisë Dibër, në bashkëpunim me ato të Komisariatit të Policisë Dibër, nën drejtimin e Prokurorisë së Rrethit Gjyqësor Dibër, falë veprimeve të shpejta profesionale dhe hetimore bënë të mundur zbardhjen e ngjarjes së ndodhur në ?Kodrat e Obokut?, Maqellarë ku humbi jetën shtetasi G. K., 27 vjeç.

Në vijim të veprimeve u bë arrestimi në flagrancë i shtetasit R. GJ., 18 vjeç, banues në Maqellarë, si dhe është proceduar penalisht në gjendje të lirë shtetasi E. M., 23 vjeç, pasi arma me të cilën është kryer qitja, i përket këtij shtetasi të cilën e mbante pa lejen e organeve përkatëse.

Në përfundim të veprimeve të para hetimore , ka rezultuar se shtetasit e lartëpërmendur rreth orës 13.00, datë 17.12.2020, kishin dalë në ?Kodrat e Obokut? për piknik, duke marrë me vete dhe një armë gjahu. Gjatë kohës që shtetasi R. Gj., ka bërë qitje ka plagosur aksidentalisht me pasojë vdekjen 27-vjeçarin.

Materialet hetimore i kaluan Prokurorisë për veprat penale ? Vrasja nga pakujdesia?, e ,?Prodhimi dhe mbajta pa leje e armë të gjuetisë dhe sportive??, njofton Policia./CNA.al





Lajmet e fundit nga