web counter
LEXO PA REKLAMA!

SHKARKO APP

App Store
Google Play

E fundit!

x

Olsi Rama: Fitojmë në CAS, Partizani do bëjë merkato

15 Dhjetor 2020, 09:08, Sport CNA

Sot është dita vendimtare për Partizanin. Gjyqi në KAS për ?demat e kuq? pritet të vulosë edhe fatet e sezonit, pasi në rast se dalin fitues, do të kenë mundësinë të përforcohen në merkato, për të afruar futbollistë që të përforcojnë skuadrën.

Drejtori i përgjithshëm i Partizanit, Olsi Rama, tha për ?Panorama Sport? se do të vërtetohet ndershmëria e punës së klubit sipas të gjitha rregullave të legjislacionit sportiv, si dhe pafajësia e klubit:

?Pritshmëria është që të na jepet e drejta dhe të vërtetohet ndershmëria e punës sonë në përputhje me të gjitha rregullat dhe standardet e legjislacionit sportiv?. Ndërsa sa u takon studiove ligjore të palës mbrojtëse, Rama theksoi se klubi ka bashkëpunuar me dy firma tepër prestigjioze në fushën e drejtësisë sportive dhe me punën e bërë deri më tani, do të vërtetohet pafajësia e klubit:

?Puna është bërë në bashkëpunim me firma prestigjioze në fushën e drejtësisë sportive dhe kemi besim që do të arrijmë të vërtetojmë pafajësinë tonë në transferimin e lojtarit Erald Çinari nga Vllaznia te Partizani?. Optimizmi duket i lartë te drejtuesi i klubit, i cili pranoi se kanë piketuar edhe elementë që ta përforcojnë skuadrën në janar. I pyetur për afrimet në merkato, në rast se gjyqi në KAS fitohet nga ?demat e kuq?, Rama u shpreh se e kanë idenë se ku do të ndërhyhet për të rritur cilësinë dhe konkurrencën në skuadër: ?Merkato? I kemi idetë ku duhet të ndërhyjmë për të rritur cilësinë dhe konkurrencën brenda ekipit?.

Çështje te Partizanit ditët e fundit kanë qenë dy futbollistët Jasir Asani dhe Kordeiro Melo. Dy mesfushorët anësorë janë ndër më të mirët në Superiore, por këtë sezon kanë vuajtur nga dëmtimet dhe rikuperimet jo të mira, për shkak edhe të kalendarit të ngjeshur dhe seancave të pakta stërvitore.

Analistë dhe ish-trajnerë thanë pas ndeshjes me Vllazninë se këta dy lojtarë, kur vijnë nga stoli, jo vetëm që nuk ndihmojnë skuadrën, por sjellin edhe probleme në ekuilibra, duke u bërë ndoshta dhe në një çështje në skuadër. Nuk mendon aspak kështu Olsi Rama, i cili ua lë fajin vetëm problemeve fizike dhe jo angazhimit të lojtarëve në fjalë. ?Asani dhe Melo? Jo, aspak. Nuk janë çështje te Partizani. Vijnë nga dëmtimet dhe problemet shëndetësore?, përfundoi Rama.





Lajmet e fundit nga