web counter
LEXO PA REKLAMA!

SHKARKO APP

App Store
Google Play

Kategoria e Parë, A/ Dinamo e frikshme këtë sezon, fiton dhe merr kryesimin e kampionatit

14 Dhjetor 2020, 17:47, Sport CNA

Dinamo ka marrë fitoren e radhës në ditën e sotme të Kategorisë së Parë, Grupi A. Kryeqytetasit kishin një sfidë ndaj një rivali direkt si Besëlidhja, teksa ia dolën të fitonin me rezultatin 2-0. Kryeqytetasit zhbllokuan sfidën falë një goli të brazilianit Da Silva në minutën e 17. Ky i fundit me një goditje të bukur jashtë zone tundi rrjetën, ndërsa me rezultatin 1-0 u mbyll pjesa e parë.

Në fraksionin e dytë, lezhjanët provuan të merrnin të paktën një pikë nga transferta, megjithatë për asnjë moment nuk u shfaqën të rrezikshëm përballë portierit Edvan Bakaj. Kështu, për të mbyllur përfundimisht llogaritë mendoi Xhixhiua. Sulmuesi shënoi me kokë në minutën e 91 dhe vendosi në kasafortë pikët për të tijtë.

Pas kësaj ndeshje, Dinamo merr kryesimin me 16 pikëve dhe lë pas me 14 pikë Burrelin dhe Korabin me 13 pikë. Javën tjetër, blutë do të kenë sërish një sfidë delikate, teksa luajnë në transfertë ndaj Burrelit. Sa i përket Besëlidhjes, ata mbeten në vendin e katërt me 10 pikë. Ndërkaq, ngjitet në renditje Partizani B, teksa të kuqtë fituan me rezultatin 0-2 në transfertë ndaj Orikut falë golave të Marinaj dhe Allmetaj.

Ndeshjet:

Dinamo-Besëlidhja 2-0
Shënues: 17?Da Silva, 91?Xhixhiua

Oriku-Partizani B 0-2
Shënues: 49?Marinaj, 75?Allmetaj





Lajmet e fundit nga