E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Olsi Rama komenton sërish tifozët e shumtë në Shkodër: Rrezikohet rënia nga kategoria, por…

15 Dhjetor 2020, 08:06, Sport CNA

Drejtori i Partizanit, Olsi Rama, pas deklaratës së dhënë direkt pas ndeshjes ndaj Vllaznisë ku Partizani u mposht me rezultatin 1-0, u rikthye të flasë sërish për këtë përballje, duke sjellë dhe njëherë në qendër të vëmendjes prezencën e lartë të tifozëve në shkallët e stadiumit ?Loro Boriçi?.

Në një lidhje live për ?Procesin Sportiv?, Rama deklaroi se pavarësisht se klubi shkodran ka thyer protokollin anti-covid, ata nuk do të bëjnë një reklamim për ndeshjen. Drejtori i kuq, komentoi edhe deklaratën e sponsorit Xhaferri, i cili u shpreh se nëse ndeshja do të luhej me tifozë, Vllaznia do ti shënonte 30 gola Partizanit.

600 tifozë në Shkodër- Nuk është polemikë. Është thjesht një koment ku unë u ndala pas ndeshjes. E mendoj që është jashtë ?Fair-Play?-t. Unë gjithmonë kam shprehur simpatinë time për Vllazninë si djepin e futbollit shqiptar. Unë gjithmonë i dua tifozët në stadium, në mënyrë absolute. Do të doja që stadiumi të ishte plot dhe të kishim ne 2-3 mijë ?Guerrilsat? që na ndjekin. Protokolli e ka të qartë që lejohen vetëm 20 persona në stadium. Ne si Partizan e kemi respektuar gjithmonë. Unë u ula me tifozë shkodran në shkallët e stadiumit, nuk u ula në tribunën VIP. Rregullat janë rregulla. 500-600 tifozë janë avantazh ndaj ekipit vendasve. Nuk është polemikë.

Deklarata e Alban Xhaferrit ? Nuk e kam ndjekur deklaratën e sponsorit të Vllaznisë, është mungesë respekti, ne i respektojmë kundërshtarët. Jam gati të iki në Shkodër dhe të luaj përsëri javës tjetër, të jenë 10 mijë tifozë, të njëjtën monedhë të kemi edhe ne për tifozët e Partizanit. Unë jam gjithmonë në zbatim të rregullave. Krahasoni ndeshjen Partizani-Skënderbeun me ?Loro Boriçin?.

FSHF ka në dorë të konstatojë dhe të marrë masa. Administrimin e Vllaznisë e klubi dhe Bashkia. Policët kishin një listë me 100 emra. Nuk është shqetësuese të jenë 40 apo 50 veta. Me qenë se Z.Xhaferi ka thënë që i fusim 30 gola Partizanit, unë i them se në qoftë se do të ishin 15 mijë veta sa mban stadiumi i Shkodrës, presioni do të ishte më i madh te Vllaznia.

U ula me tifozët sepse ndihem shumë komod në Shkodër. Kam dëgjuar dhe komentet, kam komentuar dhe unë bashkë me ta.

Analiza e ndeshjes- E kishim vlerësuar ndeshjen me Vllazninë. E dinim që kishim përballë një kundërshtar moralisht të fortë dhe të rinuar. Na goditën në momentin tonë më të mirë. Morën 3 pikë që i merituan. Nuk është ky Partizani që duam të hedhim në fushën e lojës, nuk është ky Partizani i dajës. Humbjet janë pjesë e një kampionati, nuk ka asnjë çudi të shkosh në Shkodër dhe të mundesh nga Vllaznia. I duhet një pjacë si Shkodra, Vlora dhe një Skënderbe, futbollit shqiptar. Histori a futbollit shqiptar është bërë nga Tirana, Partizani, Dinamo, Flamurtari, Vllaznia. Ndërsa, Kukësi, Laçi, etj janë të freskët.

Partizani ka 3 ndeshje që merr notë nën mesatare. Duhet të nxjerrim mësimet e duhura dhe t?i korigjojmë. Kalendari është i ngjeshur, kemi kontingjent të reduktuar. Kurba nuk është në ngjitje.

Në asnjë moment nuk më shkoi mendja të ndalonte ndeshja. Nuk do ta ndalonim ndeshjen deri në momentin që sjellja e tifozëve të ishte normale. Kishim shkuar për të luajtur futboll.

Reklamim për ndeshjen? E di që thyerja e protokollit të COVID-it ka dënime shumë të ashpra, deri në rrëzimin e ekipit nga kategoria, por nuk do të bëjmë reklamimin për ndeshjen.

Rikthimi i tifozëve? Jemi në kulmin e pikun e Koronavirusit, të gjithë duhet të ndërgjegjësohemi dhe të kemi shumë kujdes. Po të ishim treguar më të kujdesshëm, nuk do të arrinim në këto numra. Pas vitit të ri do të shikojmë si do të veje puna. Unë jam gjithmonë pro nga ana ime, 100 %?, u shpreh Olsi Rama.