web counter
LEXO PA REKLAMA!

SHKARKO APP

App Store
Google Play

E fundit!

x

Ngritja e Gjykatës Kushtetuese/ KED i dërgon Kuvendit emrin e Altin Binajt

14 Dhjetor 2020, 15:17, Aktualitet CNA

Këshilli i Emërimeve në Drejtësi ka mbajtur sot mbledhjen e radhës, ku është diskutuar lista finale e kandidatëve për në Gjykatën Kushtetuese.

Në këtë mbledhje, merrnin pjesë edhe përfaqësues të Avokatit të Popullit, përfaqësuesi i Presidentit të Republikës dhe përfaqësuesi i Kryetarit të Kuvendit. KED në përfundim të mbledhjes i ka dërguar Kuvendit emrin e Altin Binajt si kandidat për në Gjykatën Kushtetuese.

?Këshilli i Emërimeve në Drejtësi (KED), në datën 14.12.2020, vijoi mbledhjen, sipas njoftimit të datës 11.12.2020,në lidhje me diskutimin dhe miratimin e listës përfundimtare të renditjes, si dhe i raportit përkatës, të cilat do të dërgohen më pas pranë organit të emërtesës.

Në mbledhjen e sotme merrnin pjesë anëtarët e KED, përfaqësuesi i Avokatit të Popullit, përfaqësuesi i Presidentit të Republikës dhe përfaqësuesi i Kryetarit të Kuvendit.

Këshilli i Emërimeve në Drejtësi, pas diskutimeve miratoi vendimin për pikëzimin dhe renditjen e kandidatit të lejuar për vendin vakant në Gjykatën Kushtetuese, vakancë e parakohshme, e shpallur nga Kuvendi i Shqipërisë në datën 28.08.2018 dhe rishpallur në datat 21.08.2019 dhe 24.09.2020, si edhe listën përfundimtare të renditjes së bashku me raportin përkatës.

KED po sot, i përcolli këto akte pranë organit të emërtesës, Kuvendit të Republikës së Shqipërisë?, thuhet në njoftim.

Tashmë pritet të shihet nëse Kushtetuesja do të arrijë të jetë funksionale brenda këtij viti, ashti siç ka kërrkuar ambasadorja e SHBA Yuri Kim dhe ambasadori i BE Luigi Soreca./CNA.al





Lajmet e fundit nga