E fundit!

11:17 Aktualitet

“Albanian Files”/ Klodjan Braho: Askush nuk është imun për SPAK, nëse dikush ka prova t’i depozitojë

Nga opozita në Komisionin për Nismat Qytetare, kreu i SPAK...

“Vrasja e 25 vjeçarit ishte me dashje”/ Ish drejtuesi i policisë: Efektivi duhet të përballet me drejtësinë

9 Dhjetor 2020, 13:47, Aktualitet CNA

Vrasja e 25-vjeçarit Klodian Rasha një ditë më parë nga një efektiv policie është kthyer në temën e ditës në Shqipëri.

Teksa i riu u dërgua me dhimbje drejt banesës së fundit, qytetarë të ndryshëm kanë reaguar duke dënuar aktin e policit dhe duke kërkuar përgjegjësi penale dhe politike për drejtuesit e Policisë së Shtetit dhe jo vetëm. Po ashtu, sot pasdite është parashikuar edhe një protestë para Ministrisë së Brendshme ku është kërkuar dorëheqja e Sandër Lleshajt.

Ish drejtuesi i Policisë së Shtetit Arjan Hoxha është shprehur se, në rastin fatal të 25-vjeçarit kemi të bëjmë me një vrasje me dashje nga ana punonjësit të policisë.

?Që të jemi të qartë. Informacionet që kanë dalë nga mediat apo ato që ka dashur të përcjellë policia për opinionin publik kanë qenë të cunguara dhe të qëllimshme që të jepen herë pas here në mënyrë që mos bëhej transparencë dhe të mos dilte e vërteta. Drejtuesit e Policisë duhet ta dinin sepse aty kishte edhe policë të tjerë prezentë. Duhet ta dinin versionin e saktë, versionin e vërtetë të ngjarjes.

Me modifikime nga më të ndryshmet, duke përcjellë informacione të pavërteta siç është vendi ku ka filluar konflikti, mënyra si është konfliktuar në mënyrë verbale me punonjësit e policisë dhe në fund momenti fatal i humbjes së jetës.

Në opinionin tim nuk kemi të bëjmë me kapërcim të kushteve të mbrojtjes të nevojshme sepse me këto që kemi deri tani, jemi përpara rastit të pastër të një vrasjeje me dashje e një qytetari nga një punonjës policie, nga e shtetit sepse polici me uniformë përfaqëson shtetin?, tha ai për “Ora News”.

Sa i përket përdorimit të armës dhe çfarë thotë ligji dhe rregullorja e Policisë së Shtetit për këtë, Hoxha deklaroi se: ?Nuk kemi kapërcim, kemi vrasje me dashje. Polici duhet të përballet me akuzën e vrasjes me dashje ndaj një qytetari të pafajshëm, të paarmatosur dhe që nuk po zhvillonte një sulm ndaj punonjësve të policisë?. /CNA.al