E fundit!

22:06 Politikë

“Vetëm një i leshtë mendon që protesta nuk është e manipuluar”/ Spaho: Shqipëria drejt destabilizimit politik

Ish-nënkryetari dhe ish-deputeti i PD-së Edmond Spaho ka f...

KQZ / Numri i mandateve vendoset nga Komisioni Rregullator jo nga shkresat e Komisionerit

8 Dhjetor 2020, 10:28, Aktualitet CNA

Para disa ditësh dikush shpërndau njoftimin për caktimin e numrit të mandateve për çdo zonë zgjedhore për zgjedhjet në Kuvend.

Sipas tabelave që qarkulluan, rezultonte që Qarkut Kukës dhe Qarkut Gjirokastër i hiqeshin nga 1 mandat dhe qarkut Tiranë i shtoheshin 2 mandate.

Portalet përhapën “lajmin” dhe disa moderatorë emisionesh karikuan edhe analistë dhe ekspertë për prezantimin e risisë.

Cna.al verifikoi faqen zyrtare të KQZ-së dhe aty rezulton që nuk ka asnjë akt të miratuar nga KQZ në referim të çështjes.

Numri i mandateve për çdo zonë zgjedhore për zgjedhjet për Kuvendin, miratohet me akt normativ të Komisionit Rregullator.

Sipas nenit 20 të Kodit Zgjedhor, kompetenca është e qartë dhe procedura parashikon përgatitje të draftit nga administrata e KQZ dhe shqyrtim, diskutim e miratim të aktit përfundimtar nga Komisioni Rregullator.

Nga përshkrimi i procedurës dhe detajimi i kompetencës nuk kuptohet se si buroi dezinformimi i publikut në lidhje me “vendimmarrjen” e KQZ-së për përcaktimin e numrit të mandateve.

Ajo që është bërë publike sot qenka një korespondencë zyrtare apo mediatike e Partisë Demokratike nga njëra anë dhe konsiderimi i çështjes nga Komisioneri Shtetëror i Zgjedhjeve nga ana tjetër!

Kodi nuk parashikon në asnjë shkronjë kompetenca të Komisionerit për sa i takon numrit të mandateve. Por Kodi parashikoi dhe vota në Kuvend i dha PD-së 2 anëtarë në Komisionin Rregullator. Atëhereë pse nga mediat duket sikur PD bën “shkresa” dhe nuk operon me përfaqësuesit e vet në KQZ?

Ku ka ndodhur debati dhe ku është kërkuar marrja e të dhënave shtesë nga Gjendja Civile? Nëse Komisioni Rregullator qenka mbledhur, pse mbledhja nuk ka qenë publike siç Kodi Zgjedhor e parashikon si detyrim?

Komisioni Rregullator është organi i KQZ-së që duhet të shqyrtojë dhe vendosë për numrin e mandateve. Nëse KQZ, në rastin konkret Komisioni Rregullator nuk është mbledhur, çfarë kuptimi ka debati në studio televizive dhe furnizimi me “lajme” i portaleve? Nëse Komisioni Rregullator është mbledhur në ilegalitet, apo ka bërë prova gjenerale për mbledhjen/shfaqjen me kamera, këtë e dinë të paktën përfaqësuesit e zgjedhur në KQZ nga PS, PD dhe LSI.

Nëse sot ka një teatër për procedurat në të cilat po kalon përcaktimi i numrin të mandateve për zgjedhjet e Kuvendit, atëhere “proces-verbalet” e provave që po bëhen në KQZ, dihen të paktën nga PS, PD dhe LSI. Por nëse Komisioni Rregullator nuk është mbledhur, atëherë pse dikush në emër të PD bën teatër sikur kërkon dhe një tjetër nga KQZ vazhdon teatrin sikur po konsideron kërkesën? Nëse çdo çështje për të cilën duhet të vendosë Komisioni Rregullator, u dashka të kalojë pa bujë e mundësisht pa e marrë vesh njeri, çfarë halli i ka bërë bashkë sot PS+PD+LSI në KQZ?

Janë përfaqësuesit e këtyre forcave politike në KQZ që kanë qëlluar të turpshëm, apo ata që i votuan druajnë ti lenë të flasin para kamerave se e dinë se ç’kane çuar në KQZ? Dhe në fund, mire PS dhe LSI se ka hall mos turpërohet nga përfaqesuesit e vet, po PD pse ka hall se koritet për të vetët?/CNA.al.