Hapja e negociatave / Edhe eurodeputetët besojnë se po cënohet besueshmëria ndaj BE

8 Dhjetor 2020, 14:09, Aktualitet CNA

Në një dokument që është firmosur nga 20 eurodeputetë nga të gjitha grupet parlamentare, ndër ta edhe kreu i Komitetit të Punëve të Jashtme dhe David McAllister, theksohet se:

“Duke paralajmëruar se bllokimi aktual në bisedimet e pranimit me Maqedoninë e Veriut dhe Shqipërinë po rrezikon besueshmërinë e Bashkimit Evropian në Ballkanin Perëndimor, i bëjmë thirrje Bullgarisë dhe Maqedonisë së Veriut të gjejnë një kompromis mbi çështjet dypalëshe në pritje për të shmangur shtyrjen e procesit të pranimit më tej.

Bullgaria duhet të miratojë hapjen e konferencës ndërqeveritare (IGC) me Maqedoninë e Veriut sa më shpejt të jetë e mundur dhe në çdo rast në dhjetor, duke pranuar kështu përpjekjet e vendit në procesin e pranimit në BE. Maqedonia e Veriut, në rolin e saj si një vend i ardhshëm i pranimit, duhet gjithashtu të bëjë çdo përpjekje të mundshme nga ana e saj për të zgjidhur çështjet e pazgjidhura?.

Eurodeputetët më tej deklarojnë:

?Shqipëria gjithashtu meriton të shkojë përpara në rrugën e saj drejt pranimit në BE, duke treguar përpjekjet e saj gjithëpërfshirëse për të reformuar, në veçanti në sektorin e drejtësisë, gjatë viteve të fundit, si dhe vlerësimin pozitiv të Komisionit. Përpjekja është e nevojshme nga Shqipëria në disa fusha, në rrugën e saj për të përmbushur të gjitha kushtet e paraqitura në Konkluzionet e Këshillit”.

Ambasadori i Bashkimit Europian në Shqipëri, Luigi Soreca ka reaguar lidhur me këtë deklaratë.

Ai shkruan: ?Deklaratë e rëndësishme e përbashkët nga përfaqësuesit e grupeve politike në Këshillin e Europës mbi negociatat e pranimit me Shqipërinë dhe Maqedoninë e Veriut.?

Eurodeputetë firmëtarë:

-Vladimir Bilcik, PPE Raportuesi për Serbinë, Kryetari i Delegacionit të SAPC të BE-Malit të Zi

-Reinhard Butikofer, Të Gjelbrit/ Koordinatori i EFA AFET

Andor Deli, PPE Raportuesi hije për Malin e Zi

-Tanja Fajon, S&D Raportuesi hije për Maqedoninë e Veriut

Michael Gahler, Koordinator për Grupin PPE në Komisionin e Punëve të Jashtme

-Kinga Gal, Raportuesi hije i PPE për Raportin mbi Rekomandimin për Ballkanin Perëndimor, pas takimit të nivelit të lartë në 2020

Sandra Kalniete, Kryetar i Grupit Punues së PPE për Politikat e Jashtme

Ilhan Kyuchyuk, Raportuesi i përhershëm i PE për Maqedoninë e Veriut, zëvendësues i AFET për Evropën, koordinatori

David Lega, Raportuesi hije i PPE për Shqipërinë

Lukas Mandl, Raportuesi hije i PPE për Kosovën

David McAllister, Kryetari i Komisionit për Punë të Jashtme