web counter
LEXO PA REKLAMA!

SHKARKO APP

App Store
Google Play

Basha premton nga Vlora/ Paratë publike nuk do shkojnë për shpenzime luksi

9 Dhjetor 2020, 14:09, Politikë CNA

Kryetari i PD, Lulzim Basha ka zhvilluar takime me bizneset e vogla në Vlorë, ku tregtarët janë ankuar për situatën e rëndë në treg ndërsa thonë se shitja e fruta perimeve bëhet në kushte skandaloze.

Basha u premtoi se nëse fiton zgjedhjet e ardhshme, paratë publike nuk do të shkojnë më në shpenzime luksi, ndërkohë që tregtarët thonë se nuk fitojnë as 10 euro në ditë dhe qëndrojnë rreth 12 orë në shi apo diell.

Pjesë nga debati

Basha: U bënë 8 vite me gënjeshtra, kështu nuk shtyhet asnjë ditë më shumë. Deputeti juaj kryeministër ndjek interesat personale. Ai që nuk bëri asgjë për 8 vite, nuk mund të bëjë pas 8 vitesh.

Bizneset: Kanë ikur të gjithë, kemi mbetur për bukën e gojës.

Qytetarët: Jetojmë me asistencë 18 mijë lekë.

Bizneset: Nuk kemi asnjë mbështetje, as kushte tregu, as shitje.

Basha: Paratë publike nuk do të shkojnë më në shpenzime luksi.

Bizneset: Njerëzit nuk kanë para të blejnë. Shpresojmë të vijë ndryshimi. Vlora me shumë probleme. Në gjendje shumë të mjerë. Nuk vjen njeri të blejë më. Shpresojmë se do të ndryshojë diçka shpejt. Nuk nxjerrim as 10 euro në ditë, 12 orë në shi në diell. Malli po na prishet, shitje nuk ka. Vlora nuk ka as treg. Kemi edhe kryeministrin deputet, na ka lënë në mëshirë të Zotit pa treg.

Basha: Na duhet një qeveri që mendon për ju. Pas tetë vitesh kemi ardhur në pikën e vdekjes për biznesin dhe ekonominë./CNA.al.





Lajmet e fundit nga