“Nuk dihet se ç’do ndodhë”/ Milo tregon të ''fshehtat'' e garës elektorale

8 Dhjetor 2020, 21:18, Politikë CNA

Në Shqipëri vitin e ardhshëm do të zhvillohen zgjedhjet parlamentare dhe ashtu si partitë e mëdha, edhe të vegjlit pritet të gjejnë rrugën për të garuar në përballjen elektorale të 25 prillit. Kryetari i Partisë Demokracia Sociale, Paskal Milo përballë gazetares Ilva Tare tha se e ka nisur organizimin për zgjedhjet, por nuk e ka marrë ende vendimin se më kë do të bëjë koalicion.

?Ne e kemi nisur me stilin tonë . Po përgatisim strukturat dhe kandidatët. Kjo është ajo që kemi bërë deri tani të paktën. Patjetër që ne si PDS, vazhdojmë dhe studiojmë terreni patjetër, por sa kohë nuk janë shfaqur në horizont konturet e koalicioneve të mundshme jemi në pritje?, tha ai.

Ai tha se e përjashton mundësinë e një koalicioni me Partinë Demokratike, ndërsa shtoi se ky mosbashkëpunim vjen për shkak të mospërputhjes së platformës të dy partive.

?Unë siç ju thashë në fillim, ne nuk e dimë se cilat janë koalicionet, por ne po shohim. Do të jemi midisin platformës dhe pragmatistit, ende nuk e dimë. Mund ta them që tani, p. sh me koalicionin e PD, për shkak të distancës së platformave tona, sepse ne jemi parti e qendrës së majtë dhe e ka të vështirë të ndryshojë pozicion, por për rrjedhojë e ka të përjashtuar jo thjesht për shkak një paragjykimi që mund të ketë, absolutisht jo. Sigurisht se në të ardhshmen nuk dihet se çfarë mund të ndodhë në Shqipëri, çdo gjë mund të ndodhë për aq kohë se mund të kemi zhvillime të papritura, jetojmë në kohë pandemie, jetojmë në kohë krize, dhe bota ka treguar se krizat e mëdha ekzistencialiste kërkojnë qëndrime të përbashkëta për ta nxjerrë Shqipërinë nga kriza?, u shpreh ai.

Ai shprehu kritika të forta për Partinë Socialiste, e cila sipas tij ka ndjekur një praktikë për të eleminuar partitë e tjera të spektrit të majtë.

?PS e ka vëtëpërjashtur veten nga koalicionet, dhe në këtë rast na ka përjashtuar edhe ne për të bërë koalicion me të. Ajo nuk ka pranuar qoftë dhe teorikisht të shkojë në koalicion me partitë tradicionale që ka pasur. Mendoj se nuk kanë mbetur parti në krahun e majtë që mund të bëjnë koalicion për shkak të një politike të PS për të eleminuar partitë e spektrit të majtë, ia ka arritur qëllimit, me përjashtim të PSD, unë nuk shoh ndonjë tjetër që mund të ketë?, pohoi ai.

Ai foli gjithashtu për dështimin e radhës të Shqipërisë për mos-hapjen e negociatave me Bashkimin Europian. Si njohës i mirë i marrëdhënieve ndërkombëtare, z. Milo tha se fajion nuk duhet ta kërkojmë tek vednet skeptike të BE-së, por tek vetja.

Ish-ministri i Jashtëm i Shqipërisë tha se Shqipëria duhet të ishte pjesë e BE-së që në vitin 2004, dhe këtë zvarritje dhe humbje kohe ia faturon partive kryesore, PS-së dhe PD-së

?Jemi shumë larg, jemi aq larg sa në mendjet e evropianëve ne nuk konsiderohemi si vend serioz. Ne jemi në prapavijën e Evropës dhe unë kamë frikë se ne do të jemi për një kohë relativisht për një kohë ta gjatë atje, sepse ne me duart tona ia kemi bërë të keqen vete tonë, dhe kur flas me duart tona, kam parasysh të gjithë klasën politike që është alternuar nga 1991 deri sot, dhe të gjithë kanë përgjegjësi për këtë dhe këtë e them si ish-ministër i Jashtëm dhe njeriut që është marrë me marrëdhëniet ndërkombëtare dhe Shqipëri duhet të ishte anëtarësuar në 2004 së bashku me grupin vendeve që u anëtarësuan. Shqipëria ka humbur 16 vjet që duhet të ishte në BE, ka humbur 14 vjet. Shqiptarët pse duan të besojnë partitë që e kanë qeverisur Shqipërinë?, tha Paskal Milo.

Në fund kreu i PDS-së tha se fushata elektorale e 2021 pritet të jetë e ashpër dhe tepër e egër.

“Shumë e ashpër, shumë e egër. Shqiptarët nuk do t?i durojnë, do të jenë në shumicë indiferentë, me përjashtim të grupeve militante partiake. Shqiptarët janë të interesuar të dinë se kush do qeveris pas 25 prillit, dhe vota e shqiptarëve nuk ka qenë votë për alternative, por më shumë ka qene votë pakënaqësie ndaj qeverisjes?, shtoi Milo.