E fundit!

08:25 Kosova & Bota

SHBA drejt heqjes së ndryshimit të orës, Dhoma e Përfaqësuesve miraton projektligjin

Dhoma e Përfaqësuesve në SHBA ka miratuar një projektligj ...

Vrasja e të riut nga efektivi/ Manjani: Çështjen ta marrë në dorë Prokuroria dhe jo Policia

8 Dhjetor 2020, 18:16, Politikë CNA

Ish-ministri i Drejtësisë Ylli Manjani, ka reaguar për vrasjen e 25 vjeçarit Klodian Rasha nga efektivi i policisë në orët e para të mëngjesit të sotëm.

Me tone ironike, Manjani thotë se konkluzionet e SHÇBA-së nuk zhgënjejnë aspak dhe nuk kanë asnjë surprizë.

Ai thotë se kjo vrasje është sulm real, i padrejtë dhe i atëçastshëm, ndërsa pretendon se akti i policit nuk ka lidhje me vetëmbrojtjen.

Ish-ministri thekson se çështjen duhet ta marrë në dorë Prokuroria dhe jo Policia.

?Siç pritej, pa asnjë surprizë, konkluzionet e SHÇBA, pra të Policisë nuk zhgënjenë aspak.

“Vrasje në kapërcim të mbrojtes së nevojshme” – thotë Policia.

Normal që këtë do thotë. Prandaj duhej që këtë hetim ta kryente dhe drejtonte Prokuroria e pavarur.

Po si more qenka “në kapërcim të mbrojtjes së nevojshme” polici që nuk u sulmua nga askush?!

Po lexojeni Kodin Penal nenin 19 të tij dhe të kuptoni që flitet për Mbrojtje të nevojshme (për rrjedhojë edhe për tejkalimin e saj) vetëm kur:

Reagimi mbrojtës ndaj këtij sulmi duhet të jetë proporcional. Kur humbet proporcionaliteti kemi tejkalim të mbrotjes së nevojshme. Ky është Kodi Penal.

Është Penale e Përgjithshme. Viti i dytë semestri i parë në juridik! Edhe në Akademinë e Policisë njësoj e mësojnë penalen… Tani, ngjarja tragjike që edhe vetë SHÇB e konfirmon, nuk na tregon që viktima sulmoi policinë. Përkundrazi ai iku (u përpoq t’i ikte).

Askund nuk thuhet se ai sulmoi policinë!!! Ndaj nuk flitet fare për mbrojtjen e nevojshme, por jemi qartësisht në kushtet e vrasjes me dashje. Dallimi ligjor është shumë i madh në dënim.

Unë e kuptoj që ai polic është gjendur në rrethana fatkeqe, por akti që ka bërë nuk ka lidhje me vetëmbrojtjen. Do isha krejt dakort që të shihej në kontekstin e rrethanave lehtësuese ajo ngjarje për të, por ai nuk u sulmua që u detyrua të nxjerrë armën për të qëlluar. Të paktën kështu del edhe sipas raportimit të SHÇB.

Atëhere ku e panë konceptin e vetëmbrojtjes këta?! Ndaj insistoj, që këtë çështje ta marrë në dorë Prokuroria dhe jo Policia!?, shkruan ai në rrjetet sociale./ CNA.al