E fundit!

10:46 Aktualitet

Punonjësi humbi jetën/ Karakaçi mesazh ngushëllimi

Ministri i Infrastrukturës dhe Energjisë Enea Karakaçi ka ...

Barazimi ndaj Teutës, surprizon Ilir Daja: Ja çfarë nuk shkon te Partizani

9 Dhjetor 2020, 18:07, Sport CNA

Partizani barazoi në shtëpi ndaj Teutës, në ndeshjen e zhvilluar në ?Elbasan Arena?, e vlefshme për javën e 7-të të Kategorisë Superiore. Në prononcimin pas ndeshjes për ?Gol pas Goli?, trajneri i të kuqve Ilir Daja, bëri një analizë të detajuar për këtë përballje duke u shprehur:

KA DIÇKA QË NUK SHKON? Ne me këmbë në tokë jemi. Neve nuk kemi nxjerrë asnjëherë pretendimet, ato kanë qenë nga ajo çfarë kemi shfaqur në lojë. Kemi vetëm 12 apo 13 lojtarë që mundet t?i hedhim në fushën e lojës pa pritur shumë gjëra. Futja e lojtarëve si Asani dhe Melo pa formën e tyre të mirë, është në dëm të manovrës. Ndaj ndërrimet i kemi të vonuara. Në 7 javë të konsumosh 12 lojtarë me këtë intesitet, kjo është arsye që ne nuk kemi bërë maksimumin.

KUNDËRSHTARI ? Teuta është fituesja e Kupës dhe ka një kontingjent lojtarësh që e kanë përforcuar skuadrën si Karabeci, Krasniqi, Bregu, Daja. Në këtë lloj raporti, nuk jemi njësoj me kundërshtarin. Sot me çfarë u bë, përveç 10 minutave të fundit, loja ishte i barabartë. Mirë që shkuam drejt barazimit, se në fund fare, ata humbën dhe një penallti.

JAVËN E NGJESHURA- Unë e kam thënë e kur janë bërë gjërat mirë, ka qenë meritë e grupit, që ndoshta nuk e kemi ndjerë deri në këto momente. Të punojmë për ndërimin e një manovre. Sot e qarkulluam topin dhe tentuam të rrezikonim. Do të mundohemi të bëjmë diçka tjetër në manovër.

DEFEKTET E LOJËS- Ekipet nuk kishin ekuilibër, ishin të dyja të hapura. Në pjesët e tranzicioneve, ndodhin në fushë, por nga pasimet gabim. Kur e ndërton lojën nga poshtë do të hapesh edhe në gjerësi me mbrojtësat. Unë s?po them që kemi qenë në ekuilibër, problemet më të mëdhaja kanë qenë te shkallëzimet më shumë se sa te pjesa e tranzicioneve.

DERI KU SHKON PARTIZANI SIPAS JUSH? Në situatën që jetojmë nuk mund të bësh projekte afatëgjate. Do të mundohemi që të kemi sa më pak deficite qoftë në lojë dhe pikë deri në dhjetor me shpresën që do të rihapet merkatoja. Mund të marrim lojtarë të nivelit mesatar që të kemi mundësi të bëjmë rotacione.