web counter
LEXO PA REKLAMA!

SHKARKO APP

App Store
Google Play

Stavri Nica largohet nga Laçi, kurbinasit gati akordin me Peter Pakult

9 Dhjetor 2020, 09:27, Sport CNA

Stavri Nica largohet nga Laçi dhe një emër i madh si Peter Pakult mund të jetë trajneri i ri i kurbinasve. ?Panorama Sport? zbulon se prej dy ditësh durrsaku nuk është paraqitur në stërvitjen e bardhezinjve, teksa në prag të ndeshjes me Tiranën, skuadra ka qenë nën urdhrat e zv.trajnerit Klevis Hima dhe pjesës tjetër të stafit me përgatitës atletik, Alban Shala dhe trajner të portierëve, Kujtim Shtama.

Mësohet se pas ndeshjes në Korçë, ku Nica kritikoi publikisht futbollistët për mosbindje ndaj urdhrave të tij, situata precipitoi. Trajneri kërkoi që të vendoste diktatin e tij, por nga ana tjetër, presidenca kishte një tjetër qasje për idetë e trajnerit durrsak.

Burime pranë trajnerit tregojnë se shkak për përplasjen është bërë formacioni që Nica kishte kërkuar të ndërtonte që në ndeshjen ndaj Skënderbeut, ku jashtë pritej të mbeteshin emra të rëndësishëm të skuadrës. Angazhi- mi i sulmuesit Nuabueze dhe disa titullarëve në stërvitje ka lënë krejtësisht të pakënaqur trajnerin.

Ai kishte parashikuar ndryshime edhe në repartin mbrojtës, ndërsa kjo situatë solli krisje dhe Nica nuk duroi, duke dhënë dorëheqjen e parevokueshme. Mirëpo, në këtë situatë klubi kurbinas ka mohuar të ketë ndodhur kështu, duke nxjerrë një tjetër variant. Vetë drejtori Naim Halili, në një prononcim për gazetën, sqaroi: ?Trajneri nuk është larguar, por ka pasur probleme shëndetësore dhe rezulton i infektuar me COVID. Bashkë me të, për të njëjtin shkak kanë munguar edhe dy lojtarë në stërvitje. Emrat e tyre do t?i bëjmë të ditur pas konfirmimeve të fundit. Kjo është situata?.

Ddrejtuesit e Laçit janë futur në bisedime me trajnerin austriak, Peter Pakult, i cili ka drejtuar Kukësin dy vite më parë. 61-vjeçari iku me polemika nga Shqipëria në verën e vitit 2018, por tashmë po e shqyrton seriozisht ofertën e kurbinasve. Për herë të fundit Pakult ka drejtuar klubin malazez, OFK Titograd, ndërsa në të kaluarën skuadrën e famshme austriake, Rapid Vjenë. Gjithashtu, ai ka drejtuar skuadrat gjermane Mynih 1860, Di- namo Drezden dhe Lajpcig.





Lajmet e fundit nga