web counter
LEXO PA REKLAMA!

SHKARKO APP

App Store
Google Play

Ngo: Kthehem te Tirana nëse më shlyejnë borxhet

9 Dhjetor 2020, 09:02, Sport CNA

Majkëll Ngo zbulon sesi mund të kthehet te Tirana. Në një prononcim për ?Panorama Sport? sulmuesi i sezonit të shkuar në radhët e bardhebluve sqaron situatën me Tiranën. Ngo thotë në fillim se e ka mbyllur me bardheblutë, por më pas lë të hapur pistën ?Tirana?, duke pranuar se bardheblutë duhet t?i shlyejnë borxhet që i kanë nga sezoni i shkuar.MAJKELL NGO

Majkëll a do të ktheheni te Tirana nga janari e në vazhdim, sepse është folur gjatë?

Nuk kthehem te Tirana sepse nuk kanë plotësuar pagesat e sezonit të shkuar. Ky është fakt dhe për këtë kam prova që tregojnë mospagesën. Mbetem në pritje për këtë çështje. Të gjitha ato që shpjegonte presidenti nuk janë të vërteta. Ai ka gënjyer. Kam bashkëbisedimin me të që ra dakord për të më paguar, por ditën më pas nuk ndodhi. Kjo është situata ime me Tiranën. Në këto kushte nuk vazhdova më bisedimet.

Përfundimisht, cili do të jetë vendimi juaj për Tiranën në ditët në vazhdim?

Tani e kam lënë që të diskutoj me Marion për të ardhmen. Nëse nuk plotësojnë kërkesat që kam ndaj Tiranës unë nuk kthehem në Shqipëri. Nëse mbyllet gjithçka pozitivisht, kthehem.

E patë ndeshjen derbi, meqenëse ishit në Tiranë. Mund ta kornizoni ish-skuadrën tuaj?

Së pari, pashë rastet e derbit. Skuadra nuk është aq e mirë sa vitin e shkuar ose më saktë lojtarët që kanë ardhur nuk janë aq të mirë sa skuadra e sezonit të shkuar. Tirana nuk ka lojtarët e mëdhenj që kishte sezonin e shkuar dhe mund të vuajë këtë këtë sezon. Së dyti, disa lojtarë nga sezoni i shkuar janë aty si Vangjeli, Muçi, Batha e ndonjë tjetër. Janë lojtarë të mirë mund ta ndihmojnë skuadrën, por ata që kanë sjellë nuk janë lojtarë për Tiranën. Prandaj them që mund të vuajnë në këtë sezon.

Jeni kritik për skuadrën që keni parë në fushën e lojës?

Presidenti duhet të jetë i ndershëm me atë që thotë. Unë kam sakrifikuar shumë për klubin. Të gjithë ata që kanë sakrifikuar kanë ikur si Egbo, drejtori, Mario. Stafi i ri nuk ka bërë afrimet e sezonit të shkuar dhe për këtë qëllim skuadra nuk do të ecë.





Lajmet e fundit nga