web counter
LEXO PA REKLAMA!

SHKARKO APP

App Store
Google Play

E fundit!

x

“Shkolla pa ujë dhe dezinfektantë”/ Të rinjtë i ankohen Bashës: Situata ekonomike, sfida më e madhe për ne

4 Dhjetor 2020, 16:39, Politikë CNA

Kryetari i Partisë Demokratike, Lulzim Basha, zhvilloi sot një bashkëbisedim me disa të rinj në qytetin e Kukësit. Gjatë bisedës me kryetarin Basha, të rinjtë, kryesisht gjimnazistë dhe studentë treguan vështirësitë me të cilat përballen në shkollimin e tyre. Shumica e tyre treguan se situata ekonomike ka qenë pengesa kryesore në këtë sfidë madhore të të rinjve të qarkut më të varfër të Shqipërisë.

?Quhem Bajram Alikaj, kam që katër vite që kam mbaruar gjimnazin. Për shkak të gjendjes ekonomike në familje u detyrova të punoj vetë, duke e shtuar domethënë afatin për të vazhduar shkollën e lartë. Për shkak të pandemisë dhe karantinës ra gjendja ekonomike kudo në familjet shqiptare?, tha një nga të rinjtë.

Ndërkohë që një tjetër i ri iu ankua kreut demokrat se situata e higjenës në shkolla është shumë e rëndë, pasi sipas tij nuk kanë as higjenë dhe as ujë.

?Përshëndetje Z.Basha, unë jam Blerim Cenaj. Jam gjimnazist i gjimnazit ?Havzi Nela? në Kukës. Jam ne viti e 3-të. Pra jam maturant. Kushtet janë katastrofike. Po të flasim për higjenën, banjot janë më keq se kurrë. Banjot janë si një vend lufte, një shesh lufte. Nuk ka as ujë, nuk ka një detergjent, nuk ka as edhe një lloj baze sado e vogël, që duhet që të ketë një shkollë për higjenën e saj. Për të vazhduar më tej, për shkak të pandemisë na kërkojnë dhe na detyrojnë që t?i mbajmë dritaret dhe dyert e hapura, që jemi në një kohë dimri dhe dihet nga të gjithë këtu që veriu ka një dimër të acartë. Pavarësisht kësaj, ata na kërkojnë që të mbajmë dritaret hapur dhe ne kemi shumë ftohtë brenda. Duke anashkaluar këto, prapë ata nuk sjellin as dru që të ndezim stufat dhe as stufa dhe detyrohemi që t?i blejmë vetë me lekët tona. Çdo gjë që kemi bërë në ato klasa, në atë shkollë, i kemi bërë nga lekët tona, nga familjet tona, duke marrë nga ata e duke blerë stufa, duke rregulluar dyert, duke rregulluar dritaret, duke marrë drunjtë nga shtëpia e duke i çuar në shkollë për tu ngrohur dhe prap se prap ajo ngrohje ikën për shkak se dyert dhe dritaret janë hapur?, tha një tjetër i ri.

Por nga ana tjetër, kreu demokrat iu premtoi se çdo gjë do të rregullohet sapo ai të vijë në pushtet, duke theksuar se planin e ka gati dhe është punuar me kujdes nga ekspertët.

?Ne kemi pasur një plan të detajuar hartuar nga ekspertët më të mirë për ta nxjerrë vendin nga kriza ekonomike. Që nga ulja e taksave të cilat janë më të larta në rajon tek çmimi i përballueshëm i naftës dhe i energjisë, kush më mirë se ju në Kukës e bën krahasimin me çmimin e naftës në Kosovë. E duke vazhduar me stimuj të tjerë, duke bërë të mundur që ekonomia shqiptare të dalë nga kriza, ta marrë veten dhe të krijojë vende të reja pune. Me një investim të huaj në fushën e teknologjisë e informacionit, rinia e Kukësit, rinia e Shqipërisë mund të sigurojë vende pune me paga të larta. Ju thoni çfarë duhet të bëjë qeveria? Të bëjë detyrën e saj që nuk po e bën sot. Do të bëjë politika ekonomike që do të nxisin zhvillimin ekonomik dhe do ta frenojnë atë. Do të krijojë mundësi për konkurrencë të ndershme, dhe jo monopole ku e gjithë Shqipëria është në duart e katër- pesë njerëzve?, tha Basha./CNA.al.





Lajmet e fundit nga