web counter
LEXO PA REKLAMA!

SHKARKO APP

App Store
Google Play

E fundit!

x

Kriminaliteti në Shqipëri/ Lala zë ngushtë Lleshajn: Unë nuk merrem me peshq

3 Dhjetor 2020, 21:01, Politikë CNA

Gazetarja Klodiana Lala, ka debatuar mbrëmjen e sotme me ministrin e Brendshëm Sandër Lleshaj, lidhur me kriminalitetin në Shqipëri dhe peshqit e mëdhenj.

Lala i kërkoi Lleshajt të tregonte emrin e një peshku të madh dhe ministri nuk pranoi, duke shkaktuar përplasje mes tyre.

Lleshaj u mundua të dalë nga situata dhe pavarësisht këmbënguljes së gazetares, ai nuk dha asnjë emër.

Debati në emisionin ?Opinion?:

Lala: Na thoni ndodnjë emër peshku të madh zoti ministër, se nuk keni raportuar për asnjë emër.

Lleshaj: Emra nuk them unë.

Lala: Po na thoni se cilit janë këta peshqit e mëdhenj?

Lleshaj: Po i dini ju?

Lala: Po si i dimë zoti ministër, se unë mbuloj gjykatën dhe rri gjithë ditën te dera e gjykatës dhe nuk di asnjë emër të jetë goditur nga policia. Më thoni një emër operacioni dhe unë do t?ju kërkoj falje. Një emër të vetëm, përjashtuar një rasti, kompani Bello që është bërë nga Europoli dhe policia shqiptare ka qenë në mjete rrethanore.

Lleshaj: Nuk ka qenë rrethanore.

Lala: Plotësisht rrethanore ka qenë se zoti Dizdari ka lëvizur lirshëm dhe nuk është prekur nga policia shqiptare.

Lleshaj: E nderuar zonja Lala. Nuk ka asnjë gjë rrethanore?

Lala: Ka qenë në Shqipëri dhe nuk është prekur nga policia shqiptare, është arrestuar në momentin që ndërhyri Europoli dhe është arrestuar jashtë territorit shqiptar. Na jepni një emër dhe unë do ju them që keni të drejtë.

Lleshaj: Unë nuk jap emra se jam ministri i Brendshëm, po qe për emra do t?ju sjell një ditë.

Lala: Po na thoni një emër?

Lleshaj: Dëgjo, nëse keni kureshti për emrat, do t?ju sjell një oficer të policisë kriminale.

Lala: Kanë qenë dhe nuk kanë dhënë asnjë emër. Më thoni një emër peshku të madh.

Lleshaj: Unë nuk merrem me peshq, nuk zë peshq./ CNA.al





Lajmet e fundit nga