web counter
LEXO PA REKLAMA!

SHKARKO APP

App Store
Google Play

“Olta Xhaçka duhet të ndiqet penalisht”/ Strazimiri: Ka shpërdoruar detyrën dhe fondet publike

3 Dhjetor 2020, 16:40, Politikë CNA

Ish-deputeti i PD, Gent Strazimiri ka kërkuar që Ministrja e Mbrojtjes, Olta Xhaçka të ndiqet penalisht për çështjen e helikopterit.

Në një dalje për mediat nga selia blu, Strazimiri u shpreh se prej një viti e gjysmë Xhaçka shpenzon qindra milionë lekë që të përdorë një mjet modern ushtarak si taksi elektorale.

?Olta Xhaçka, Ministrja e Mbrojtjes, është rasti tipik i këtij abuzimi. Ajo ka përdorur helikopterin ushtarak operacional, si taksi për të shkuar për mbledhje partie në Dibër, në qarkun ku e ka deleguar Edi Rama si drejtuese politike. Në vend që helikopteri të rrijë në gatishmëri për të marrë të sëmurë diku larg, Olta Xhaçka e perdor për të shkuar në Asamblenë e Partisë Socialistë në Dibër. Në vend që helikopteri të rrijë në gatishmëri për çdo emergjencë që mund të ndodhë, Olta Xhaçka e perdor për të shkuar në ahengjet e Shqipëria që duam?

Asnjë prej tyre nuk është detyrë funskionale e Ministrit të Mbrojtjes. Olta Xhaçka ka shpërdoruar detyrën dhe fondet publike, prandaj ajo duhet të ndiqet penalisht?, tha Strazimiri.

Po ashtu ai kujon se PD ka 10 ditë që e ka denoncuar dhe Xhaçka ende dhe sot nuk ka guxim të flasë.

?10 ditë pas denoncimit të shpërdorimit të detyrës, Olta Xhaçka nuk ka gjetur ende kurajon të flasë!

Akoma nuk u ka thënë shqiptarëve që vuajnë për bukën e gojës, nga mungesa e ilaçeve antikovid, nga mungesa e oksigjenit a shtreterve nëpër spitale, se pse ajo shkon në mbledhje partie me helikopter, duke shpenzuar deri në 10 mijë euro për rrugë.

Të dhënat e reja tregojnë se Olta Xhaçka e ka përdorur helikopterin për të shkuar në mbledhjet e partisë në Dibër, qe kur Edi Rama e delegoi atje. Ka një vit e gjysëm që ajo shpërdoron me qindra miliona lekë për ta përdorur helikopterin si taksi elektorale?, u shpreh ish deputeti Gent Strazimiri./CNA.al.





Lajmet e fundit nga