E fundit!

08:14 Kosova & Bota

Trashëgimtarët e Berlusconit shesin “pallatin e festave” te sheiku i Katarit

Trashëgimtarët e ish-kryeministrit italian, Silvio Berlusc...

“Holanda ka bllokuar negociatat”/ Bumçi i kthehet Ramës: Shumë institucione ndërkombëtare tregojnë për dështimin e qeverisë

4 Dhjetor 2020, 16:06, Politikë CNA

Kryeministri Edi Rama deklaroi mbrëmjen e djeshme se faji për bllokimin e negociatave të Shqipërisë e ka Holanda.

Lidhur me këtë deklaratë ka reaguar ish deputeti i PD Aldo Bumçi i cili u shpreh se një gjë e tillë nuk është e vërtetë pasi kritika për Shqipërinë nuk ka bërë vetëm Holanda por edhe shtete e institucione të tjera ndërkombëtare.

Sipas demokratit, janë 7 vjet që Rama është në qeverisë dhe vendit nuk i është hapur dritë jeshil, duke shtuar se tashmë nuk ka më asnjë justifikim.

Bumçi theksoi se nuk është vetëm Holanda kritike ndaj Shqipërisë, por edhe shumë institucione të tjera ndërkombëtare, të cilat sipas tij tregojnë se qeveria ka dështuar.

?Faktet janë shumë kokëforta dhe duhet të kesh mungesë respekti që të thuash të pavërteta të tilla. Sepse nuk bëhet fjalë për një çështje që nuk është diskutuar dhe nuk njerëzit nuk kanë ditur gjë. Janë 7 vjet. Si e justifikon moshapjen e negociatave? Përherë e ka fajin Europa?

Po mirë, ti shohim. Maqedonia u bllokua në fillim nga Greqia, tani nga Bullgaria. Me çfarë kushtesh? Jo me kushte që nuk i vendos Bashkimi Europian. BE vendos kushte që lidhen me jetën tonë. Si funksionon demokracia? A mbrohen të drejtat e njeriut dhe pronës? Shteti i së drejtës? Ekonomia e tregut? A ka konkurrencë? Këto janë çështjet që BE kërkon që një vend ti zbatojë që të bëhet vend anëtar.

Reporterja për Shqipërinë është socialiste, e familjes së zotit Rama. Nuk ka pasur kurrë më parë një rezolutë që të ketë gjuhë më të ashpër dhe më kritike për qeverinë. Me ligjin e medias, me zgjedhjet, me demokracinë. Preket çështja e braktisjes masive të Shqipërisë. Pra një rezolutë kaq kritike, nga një anëtar i familjes socialiste, nuk ka patur asnjëherë. Sot ka.

Pra nuk kemi një kritikë. Nuk kemi Holandën por kemi një sërë institucionesh, BE, FMN, KiE, Komisioni i Venecias, nga ana ekonomike, e të drejtave të njeriut tregon se qeverisje ka dështuar?, tha Bumçi për “Ora News”./CNA.al.