E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Kolaudimi i makinave nga shteti/ Blendi Gonxhe: Kontrolli do bëhet një herë në dy vite

2 Dhjetor 2020, 09:08, Aktualitet CNA

Prej 1 janarit shërbimi i kontrollit teknik të makinave, i njohur ndryshe si kolaudimi, do të mundësohet nga Drejtoria e Përgjithshme e Shërbimeve të Transportit Rrugor (DPSHTRR) dhe jo më nga koncesionari, të cilit i përfundon kontrata.

Drejtori i DPSHTRR-së, Blendi Gonxhe komentoi për Euroneës Albania zhvillimin e fundit duke shtuar se tashmë është vendosur që kolaudimi të mos bëhet më periodikisht çdo vit, por një herë në dy vite.

?Përgjegjësia duhet ndarë, të gjithë duhet të jenë të përgjegjshëm, DPSHTRR-ja do të rrisë masat e kontrollit, por ka një kategori mjetesh si taksitë, autoshkollat, apo mjetet e mallrave, të cilat paraqiteshin çdo gjashtë muaj, me një kulturë në rritje, me një flotë në rritje, servisesh në rritje dhe qasje më të mirë të qytetarëve ndaj automjeteve dhe uljen e aksidenteve në raport me problemet [e makinave]… s?është se këtu po hapet e po bëhet han pa porta, por do ketë kontrolle, do t?i ulim edhe tarifat,? ? u shpreh Gonxhe duke shpjeguar se përse është vendosur që të bëhet një herë në dy vite kolaudimi.

I pyetur se përse nuk liberalizohet ky shërbim, por mbetet monopol, tashmë i shtetit, Gonxhe u përgjigj se ai është thjesht drejtues i një institucioni publik dhe politikat nuk i drejton ai. Drejtuesi i DPSHTRR-së tha se fokusi i tij kryesor është që për vitin e ardhshëm të mos ketë aspak probleme apo radhë të qytetarëve për të kryer kolaudimin.

?Kjo mund të jetë një bisedë që mund të diskutohet vitin e ardhshëm, s?duhet t?u mohojmë qytetarëve shërbim më të mirë dhe më të lirë, në rast se do të duhet ta zgjerojmë këtë më pas, do të shohim se si mund ta zgjerojmë me forma të ndryshme bashkëpunimi,? ? tha Gonxhe.

Pas përfundimit të koncesionit pothuajse 10-vjeçar të kolaudimit, autoritetet publike përfitojnë investimet e kryera nga privatët, si kapanonet, logjistika apo dhe sistemi elektronik i rezervimeve.

Gonxhe tha se në vëmendje kryesore për DPSHTRR-në është që tranzicioni i shërbimit të mos kalojë me heqje të njerëzve nga puna, humbje në asete, apo dhe dëme ekonomike ndaj qytetarëve./CNA.al.