E fundit!

21:22 Aktualitet

Tubimi i 45-të/ Protestuesit marshojnë në rrugët e Tiranës me thirrje kundër qeverisë

Protestuesit janë larguar nga Kryeministria pas përfundimi...

Fotot ekskluzive / Rishfaqet publikisht kryebashkiaku i shumëkërkuar i Vorës

1 Dhjetor 2020, 13:45, Aktualitet CNA

Rishfaqet publikisht ish kreu i Bashkisë së Vorës Agim Kajmaku.

CNA.al. ka siguruar foto ekskluzive të Kajmakut, i cili është parë ditën e sotme para Prokurorisë së Tiranës ku po vazhdo të procedohet për emërimin e disa zyrtarëve në këtë bashki.

Pas zgjedhjeve të 30 qershorit, Kajmaku ka qenë një nga emrat më të lakuar në skenën e politikës shqiptare. Kajmaku është shpallur në kërkim që prej 9 nëntorit 2019 dhe akuzohet për 3 vepra penale ?Falsifikim i vulave, stampave ose formularëve?, ?Falsifikim i dokumenteve? dhe ?Kryerja e funksionit pas dhënies fund të detyrës?.

Kajmaku u zgjodh në krye të Bashkisë Vorë në zgjedhjet e 30 qershorit 2019, por u denoncua nga PD se kishte fshehur dënimin në Greqi për falsifikim parash dhe se kjo nuk ishte deklaruar në formularin e dekriminalizimit. Fillimisht kjo u mohua prej tij, por më pas u vërtetua nga prokuroria e Tiranës përmes një letërporosie dërguar autoriteteve greke se ai ishte në kërkim në 2003 për falsifikim të kartëmonedhave dhe nuk ishte arrestuar pasi kishte ikur në Shqipëri. Nga përgjigjja që Interpol Greqia dhe Interpol Tirana i kanë dërguar Prokurorisë së Përgjithshme, është vërtetuar se gjurmët e gishtërinjve të Agim Kajmakut janë të njëjta me Jorgo Toton, i cili është arrestuar në Greqi dhe këtë arrestim nuk e ka deklaruar kur ai kandidoi për zgjedhjet e 30 qershorit nën siglën e PS-së.

Fshehja e këtij rasti çoi në shkarkimin e tij dhe nisjen e hetimeve për Agim Kajmakun, por ai u largua duke u shpallur në kërkim nga autoritetet. Madje gjatë seancave në mungesë të tij Gjykata e Tiranës ka vendosur dhe masën e sigurisë ‘arrest me burg’ .

Kajmaku firmosi shkarkimin e dy nënkryetarëve të Bashkisë Vorë, Laureta Omerni dhe Hekuran Brahimajn duke ushtruar funksionin pas mbarimit të mandatit, pasi iu hoq nga ana e KQZ-së.

Ndonëse qëndroi për disa kohë në arrati, Kajmaku u arrestua në korrik të këtij viti në një spital privat, pasi u paraqit në gjendje të rëndë për shkak të diabetit.

Duke marrë në konsideratë sëmundjen, trupa gjykuese e Gjykatës së Apelit e liroi nga burgu dhe se duhej të paraqitej në Prokurori 2 herë në muaj./CNA.al.