web counter
LEXO PA REKLAMA!

SHKARKO APP

App Store
Google Play

E fundit!

x

“90% e politikanëve janë të korruptuar”/ Ngjela: Reforma në drejtësi nuk ka përfunduar

2 Dhjetor 2020, 14:24, Aktualitet CNA

Avokati Spartak Ngjela u shpreh se Bashkimi Europian sërish do të jetë skeptik për hapjen e negociatave me Shqipërinë, për aq kohë sa nuk është luftuar korupsioni në nivele të larta.

Sipas avokatit, 90% e klasës politike është e korruptuar, duke shtuar se reforma në drejtësi ende nuk ka përfunduar.

Ngjela shprehet optimist se me ngritjen dhe funskionimin e Byrosë Kombëtare të Hetimit, korrupsioni shtetëror do të mar fund dhe Brukseli do të ?ndezë? dritën jeshile për pranimin e Shqipërisë.

?Nuk janë përmbushur të gjitha detyrat, nuk ka filluar lufta kundër korrupsionit. Të hapësh negociatat me BE duhet të fillojë investimi i nivelit të gjerë. Si mendoni ju, me këtë korrupsion BE do të investojë që paratë t?i fusin në xhep të korruptuarit? E gjithë çështja është se këtu nuk ka filluar lufta antikorrupsion në nivele të larta, kjo është ?Thembra e Akilit?. Nëse kjo nuk ndodh, asnjëherë nuk do të jemi afër Europës.

Shkaku është niveli i lartë i korrupsionit dhe mospërfundimi i reformës në drejtësi. Këtu nuk mund të fillojë investimi i BE, kur ata e dinë që këtu 90% e klasës politike është e korruptuar. Le të fillojë lufta kundër korrupsionit në nivele të larta nëpërmjet Byrosë Kombëtare të Hetimit, Prokurorisë së Posaçme dhe Gjykatës së Posaçme dhe do të shikoni që negociatat do të hapen menjëherë. BE e pësoi me Rumaninë dhe u pendua?, u shpreh Ngjela për “A2 CNN”./CNA.al.





Lajmet e fundit nga