E fundit!

18:59 Politikë

LISTA/ Ja kush janë anëtarët e diasporës në Këshillin Kombëtar të PD-së

Ka nisur mbledhja e Këshillit Kombëtar të Partisë Demokrat...

Situatë kritike në spitalet Covid/ Përlotet mjekja e Infektivit: Kemi nevojë për ndihmë

28 Nëntor 2020, 18:50, Lifestyle CNA

Mjekja infeksioniste Entela Kolovani, e cila prej muajsh qëndron në vijën e parë të frontit të luftës ndaj Covid, ka rrëfyer sot në ?Kjo javë?, situatën në spitale.

Mes emocionesh dhe e prekur nga beteja e përditshme, ajo tha se është e lehtë të gjykohet nga divani dhe të bësh kritika, ndërsa i bëri thirrje kolegëve të saj që të ofrojnë ndihmë për pacientët.

Po ashtu ajo theksoi se momenti më i vështirë është vendimi për të futur në intubim pacientin, mushkëria e të cilit është dëmtuar rëndë.

?Familjarët kërkojnë që të dinë më shumë dhe telefonojnë pa fund. Kemi një situatë ku gjatë gjithë kohës përpiqemi që ta mbajmë në balancë, sidomos ata që vijnë në gjendje më të rënduar. Covid lë një sindromë të zgjatur të lodhjes pasi ka dalë nga spitali, për ta rikuperuar.

Familjarët janë shumë të ndjeshëm dhe kërkojnë ndihmë mjekësore në shumë mjekë. Pasi ka dhe skeptikë që nuk guxojnë ta sjellin në spital familjarin. Nuk mund të vlerësosh t?i gjendjen e pacientit.?

Mjekja u pyet dhe lidhur me idenë që është krijuar se kush hyn në intubim, vetëm një përqindje e vogël mund të ekstubohet.

“Në ndjekje të këtyre pacientëve, në vijën e parë të luftës, janë jo vetëm mjekët, infektologë, por një armatë e tërë mjekësh reanimatorë. Këtë periudhë kanë dhënë një kontribut të jashtëzakonshëm, pasi bashkë me ta. Kanë qenë jo shumë të bërë mediatikë, të rojeve të shumta që bëjnë apo shërbim të zgjatur para pacientëve.

Do sillja në vëmendje një video një intervistë të një mjeku që e pashë ditët e fundit. E kishte nxjerrë BBC në lidhje me momentin e intubimit të një pacienti, i cili kishte shprehur pesimizmin e tij se nuk do t?i shihte më familjarët e tij.

Për të gjithë ata që flasin nga divani i shtëpisë, do të doja që të preknin me dorë këtë situatë. Të na ndihmonin nëse kanë ide më të mira. Janë të mirëpritur. Kemi nevojë dhe për njerëz që do donin që t?i jepnin një pikë ujë, apo ti ndërronin, apo t?i prisnin sekrecionet.

Intubimi është një procedurë që e kemi konsideruar si moment ekstrem të këtyre pacientëve. Një pacient me COVID, nëse futet në intubim, do të ishte ndërhyrja ekstreme për ta shpëtuar. Kjo është një procedurë që është shpresë, por rezultatet i ka të ulëta”, tha ajo./CNA.al