web counter
LEXO PA REKLAMA!

SHKARKO APP

App Store
Google Play

E fundit!

x

“Asnjë forcë e errët nuk do arrijë ta baltosë …”/ Belind Këlliçi krah Haradinajt

28 Nëntor 2020, 17:43, Politikë CNA

Kryetari i FRPD-së, Belind Këlliçi ndodhet në Kosovë, ku mes shumë aktiviteteve është takuar dhe me Ramush Haradinaj.

Këlliçi në emër të FRPD-së i shpreh mirënjohen Haradinaj, ndërsa i ofron dhe mbështetje për kauzën mbarëkombëtare të mbrojtjes së imazhit dhe nderit të UÇK-së.

“Krenar që në Ditën e shenjtë të Pavarësisë takohem me komandantin e luftës për liri në Kosovë, Ramush Haradinaj.

I jam thellësisht mirënjohës që më bujti në shtëpinë e tij pikërisht sot, më 28 Nëntor!

E falenderoj nga zemra për gjithë sakrificën e tij dhe të familjes Haradinaj për çështjen kombëtare.

Në emër të Forumit Rinor të Partisë Demokratike, i shpreha Z. Haradinaj gjithë mbështjetjen tonë për kauzën mbarëkombëtare të mbrojtjes së imazhit dhe nderit të UÇK-së si luftëtarë të paepur të lirisë.

Asnjë forcë e errët brenda dhe jashtë Shqipërisë, sado pushtet të ketë, nuk do të arrijë të baltosë luftën e shqiptarëve në Kosovë dhe prijësit e tyre.

Është në nderin tim dhe të çdo të riu demokrat, t’i gjendemi në krah Z. Haradinaj dhe Ushtrisë Çlirimtare të Kosovës.

Faleminderit mik i shtrenjtë!”/CNA.al

 





Lajmet e fundit nga