web counter
LEXO PA REKLAMA!

SHKARKO APP

Tritan Shehu në takim me Metën/ Ka kompani që duan të zëvendësojnë testin PCR për interesa financiare

25 Nëntor 2020, 11:42, Sociale CNA

Presidenti Ilir Meta ka zhvilluar sot një takim ?online? me disa mjekë për situatën e pandemisë së koronavirusit në vend.
Në këtë takim ka marrë pjesë edhe Tritan Shehu i cili ka kërkuar që autoritetet mjekësore të 5-fishojnë numrin e testeve PCR.

Gjatë fjalës së tij, Shehu theksoi se është e rëndësishme që të kryhen testet PCR për identifikimin dhe izolimin e të infektuarve, dhe jo testet e shpejta imunologjike dhe serologjike.

?Sot gjendja është jashtë kontrollit, nesër do të jetë dhe më jashtë kontrollit, me të filluar edhe viroziat sezonale. E vetmja mënyrë për të identifikuar dhe vënë diagnozën, është pozitiviteti i rezultatit të testit PCR. Ne jemi sot në rreth 1400 testime në ditë, janë shumë pak. Të tjerat janë testime private me pagesë. Kjo kërkon menjëherë, duhen së paku pesë fishuar testimet gratis për popullsinë. Testime PCR flas, jo testime imunologjike. Është e vetmja mënyrë për të identifikuar, izoluar kontaktet. Së dyti, ju folët për testimet e shpejta. Nuk duhet të krijojmë konfuzion, testime të shpejta duhen PCR, këtu ka ca interesa financiare nga ca kompani që duan të zëvendësojnë testin PCR me teste të shpejta?, u shpreh Shehu./CNA.al





Lajmet e fundit nga