Akademiku Fuga pro mësimit online/ Nëpër shtëpi të ketë wifi, të mos mbetemi prapa botës

25 Nëntor 2020, 09:02, Sociale CNA

Akademiku Artan Fuga në një lidhje skype në ?ABC News? argumentoi se ishte pro mësimit online.

Gjatë fjalës së tij profesor Fuga u shpreh se se ka qenë partizan dhe ka drejtuar projekte ku mësimi online dixhital të ishte në dispozicion të studentëve dhe pedagogëve pa mohuar prezencën fizike në kurse dhe praktika të kombinuara me mësimin online dhe offline.

?Në vendet e përparuara puna që bëhet online, ajo që quhet telepunë ka marrë përmasa të jashtëzakonshëm dhe kjo ka disa arsye shumë të mëdha nga pikëpamja e rendimentit, efikasitetit dhe të paktën para 10 vjetësh të palidhur me situata të jashtëzakonshme. Kam qenë një partizan dhe kam drejtuar hapa të parë dhe pastaj janë lënë rrugës ku mësimi online dixhital të ishte në dispozicion të studentëve dhe pedagogëve pa mohuar prezencën fizike në kurse dhe praktika të kombinuara me mësimin online dhe offline.
Mund të sillte një revolucion në dekadat e ardhshme por problemi është që kërkon të thyhen tabu dhe të ndërrohen zakone, kërkon të ndryshohen disa sjelle psikologjike dhe mbi të gjitha që aktorët konservatorë të hapin rrugën që dija të çlirohet?, tha Fuga.

Më tej profesori se duhet një projekt më i madh arsimor e pedagogjik, shkencor e social që Brenda 2 vitesh të mos të ketë shtëpi pa wifi.

?Duhet të ndajmë problemin financiar dhe administrativ. Nëse ne jemi në këtë situatë duhet të krijojmë një projekt të madh arsimor pedagogjik, shkencor dhe social që brenda 1 ose dy vitesh të mos ketë shtëpi pa Wifi dhe nëse nuk e bëjmë këtë do të mbetemi prapa botës.

Jam kundër por kjo kërkon që të gjitha autoritetet që kanë përgjegjësi për të siguruar cilësinë e mësimdhënies online duhet të punojnë. Unë i kam bërë një kritikë ministres së shkuar por dhe kësaj që është tani, kishin gjithë verën përpara dhe si është e mundur që nuk bënë tekste pedagogjike që të ndihmojnë prindërit, mësuesit apo nxënësit për mësimin online ?, tha Fuga./CNA.al