web counter
LEXO PA REKLAMA!

SHKARKO APP

"Beteja me Covid nuk është e pamundur"/ Përmirësohet gjendja e myftiut të Shkodrës

23 Nëntor 2020, 11:27, Sociale CNA

Një lajm i mirë vjen nga Turqia ku mësohet se gjendja e myftiut të Shkodrës, Muhamed Sytari është përmirësuar.

Lajmin për përmirësimin e gjendjes shëndetësore të myftiut e ka dhënë kryebashkiakja e Shkodrës, Voltana Ademi.

Përmes një statusi në facebook Ademi ka shkruar se po presin rikthimin e shpejtë të myftiut në Shkodër së bashku me babain e tij.

?Beteja me Covid nuk është e pamundur. Dua të ndaj me ju një lajm të mirë për shëndetin e Myftisë tonë të nderuar, Imam Muhamed Sytari i cili është përmirësuar.

Mbetemi me shpresë në rikthimin e shpejtë të tij në Shkodër pranë familjes dhe komunitetit së bashku me babain e tij. Me besim dhe shpresë lutemi për çdo shqiptar që po lufton me Covid19 ?, shkruan Ademi në Facebook.

Myftiu i Shkodrës u dërgua më 14 nëntor për kurim ë të specializuar në Turqi pasi gjendja e tij u përkeqësua pas infektimit me Covid./CNA.al





Lajmet e fundit nga