web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ka pasur asnjë investim në shëndetësi”/ Mediu: Qeveria e Ramës ka dështuar

23 Nëntor 2020, 13:34, Politikë CNA

Fatmir Mediu në një takim me kordinatorët e PR në njësinë nr 10 në Tiranë,  bëri një pasqyrim të problematikave kryesore të vendit si pasojë e goditjes së pandemisë. Duke shpresuar për një stabilizim të situatës në shifra, Mediu vuri në dukje se ka mungesë të theksuar investimi në sektorin e shëndetësisë.

?Shpresojmë që kjo pandemi të kalojë sa më shpejt, me sa më pak dhimbje, më pak vuajtje e sa më pak viktima, kjo është e rëndësishme. Duke pasur parasysh edhe një fakt tjetër shumë  të rëndësishëm që për fatin e keq nuk ka pasur asnjë investim thelbësor në shëndetësinë shqiptare  për të përballuar situata të tilla?, tha Mediu.

Nga ana tjetër kreu i PR nënvizoi se shpenzimet për trajtimin e covid 19, janë kosto shumë të rënda për xhepin e shqiptarëve.

?Kostot për çdo familje apo individ për pandeminë janë kosto të jashtëzakonshme, të cilat tejkalojnë mundësitë financiare të shumë qytetarëve?, u shpreh Mediu.

Mediu akuzoi për dështim të qeverisë së Ramës , duke vënë theksin në boshllëqet e institucioneve Shqiptare si dhe mosfunksionimin e një shteti normal.

?Jemi një një moment ku nuk kemi funksionim normal të shtetit, institucionet janë pothuajse in ekzistente, gjyqësori pothuajse nuk ekziston. Nga ana tjetër Parlamenti është kthyer në një teatër qesharak, komedi dhe tragjedi  në kurriz të shqiptarëve.

Në të tilla kushte Fatmir Mediu,  i bëri thirrje kordinatorëve të partisë që të vihen në lëvizje për të identifikuar të gjitha problematikat në mbrojtje të zgjedhjeve të lira dhe të ndershme./ CNA.al.





Lajmet e fundit nga