web counter
LEXO PA REKLAMA!

SHKARKO APP

App Store
Google Play

E fundit!

x

Prezenca e Bashës në dhomën ku pyetej shoqëruesi i Rugovës në Hagë/ Balla i kërkon llogari

22 Nëntor 2020, 15:21, Politikë CNA

Kryetari i Grupit Parlamentar të PS-së Taulant Balla, ka shtruar disa pyetje ndaj kryetarit të PD-së Lulzim Basha, lidhur me akuzat e ngritura ndaj tij për zhdukjen e kasetës së masakrës së Krushës së Madhe.

Balla ka publikuar deklaratën e Adnan Merovcit, ish-shoqëruesit të Presidentit Ibrahim Rugova, i cili ka deklaruar në Hagë se Bashën e njihte si përkthyes.

Socialisti kërkon të dijë se përse Basha ndodhej në dhomën ku pyetej shoqëruesi i Rugovës në Hagë dhe përse kreu i opozitës nuk ishte një përkthyes i listuar tek lista zyrtare e Gjykatës.

?Hapen dosjet dhe dalin dokumentat e Hagës. Me çfarë statusi gjendej Lulezim Basha në dhomën ku pyetej shoqëruesi i Rugovës në Hagë, në vitin 2000?

Pse Adnan Merovci u pyet nga gjykatësi për Lulzim Bashën dhe statusin e tij?

Pse ?përkthyesi? Lulzim Basha nuk ishte një përkthyes i listuar tek lista zyrtare në Gjykatën Ndërkombëtare të Hagës?

Kujtojmë se Adnan Merovci, ish-shoqëruesi i Presidentit Ibrahim Rugova është pyetur në Gjykatën e Hagës në seancën gjyqësore kundër Vlastimir Djordjevic, ish-Zëvendësministër i Brendshëm i Serbisë, përgjegjës për shumë krime në Kosovë.

Merovci dëshmon se është pyetur për një cështje tjetër ndaj ish-Presidentit Milutinoviç dy herë, një herë në Prishtinë e më pas në Hagë në prill të vitit 2000?, shkruan numri 2 i PS-së në rrjetet sociale./ CNA.al





Lajmet e fundit nga