web counter
LEXO PA REKLAMA!

SHKARKO APP

App Store
Google Play

E fundit!

x

Tritoli trondit Lezhën/ Shpërthimi shkakton vetëm dëme materiale

20 Nëntor 2020, 09:35, Kronika CNA

Një shpërthim tritoli ka tronditur mbrëmjen e djeshme qytetin e Lezhës.

Një pronari të një pallati, i cili është identifikuar si Liman Gjoka, i është vendosur një sasi tritoli në objektin që po ndërtohej. Pista në të cilën janë orientuar hetimet është ajo e ndonjë konflikti për pronësinë e trualiit ku po ndërtohet objekti në fjalë pasi Liman Gjoka pronari i objektit thuhet se nuk ka patur konflikte të tjera.

Po ashtu hetimi mund të shtrihet edhe në pistën e konkurencës pasi objekti ndodhet në një pozicion të favorshëm për biznes, ndodhet në segmentin rrugor Superstradë-Shëngjin, aty ku do të kalojë edhe autostrada që do të lidhë tunelin që pritet të ndërtohet.

?Rreth orës 20:45, në rrugën e Shengjinit, në një objekt në ndërtim në pronësi të shtetasit L.Gj., banues në Tiranë, ka shpërthyer një sasi e vogël dyshohet lëndë plasëse, ku si pasojë ka vetëm dëme të vogla materiale. Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit?, njoftoi policia.

Në kuadër të hetimeve, janë sekuestruar pamjet e kamerave të sigurisë së bizneseve pranë objektit në ndërtim, për të shkuar në gjurmët e autorëve.

Liman Gjoka, sipas të dhënave në QKB, rezulton të jetë pronar i vetëm i ?Amfora SHPK?, me aktivitet ?Import-Eksport, veprimtari ne fushën e ndërtimit dhe prodhime të materialeve në fushën e ndërtimit?./CNA.al.

 





Lajmet e fundit nga