web counter
LEXO PA REKLAMA!

SHKARKO APP

App Store
Google Play

Lajm i hidhur/ Ndahet nga jeta mjeku dhe pedagogu i njohur

18 Nëntor 2020, 17:34, Sociale CNA

Një lajm i rëndë vjen nga radhët e bluzave të bardha, pasi ka humbur jetën mjeku dhe pedagogu i njohur Feçor Agaçi.

Lajmi bëhet i ditur nga Universiteti i Mjekësisë, i cili kujton shprehjen e pedagogut, i cili thonte në bisedat e tij me miqtë “Kur ne bëjmë plane, Zoti fillon të qeshë”.

Universiteti i Mjekësisë deklaron se kushdo që ka pasur fatin të jetë student apo koleg i tij, do të kujtojë medoemos urtinë e tij dhe pasionin jo vetëm për mjekësinë, por edhe për letërsinë.

Prof. Feçor Agaçi u diplomua në Fakultetin e Mjekësisë në Universitetin e Tiranës në vitin 1968.

Punoi si mjek i përgjithshëm në Spitalin Civil të Beratit, si dhe në Poliklinikën Qendrore të këtij qyteti nga viti 1969 deri në vitin 1972.

Nga viti 1972 Prof.Dr.Feçor Agaci u emërua pedagog në Fakultetin e Mjekësisë, në Universitetin e Tiranës.

Ai ka dhënë leksione në lëndën e Fiziologjisë Patologjike dhe më pas në lëndën e Endokrinologjisë nga viti 1972 deri në vitin 2010.

Nga viti 1992 deri në vitin 1993 u specializua në fushën e endokrinologjisë në Qendrën Spitalore Universitare në Masachusetts, në Shtetet e Bashkuara.

Ka qenë shef i Shërbimit të të Endokrinologjisë pranë Qendrës Spitalore Universitare “Nënë Tereza” Tiranë nga viti 1993 deri në vitin 2001 dhe nga viti 2006 deri në vitin 2010.

Nga viti 2013 deri në vitin 2020 ka punuar si konsulent në fushën e endokrinologjisë në Spitalin Universitar të Sëmundjeve të Mushkërive ” Shefqet Ndroqi” Tiranë.

Aktiviteti shkencor i Prof. Feçor Agacit do të shfaqej në artikuj të shumtë shkencorë në shtypin periodik kombëtar dhe ndërkombëtar, në bashkëautorësinë e tekstit mësimor për studentët “Endokrinologjia – Diabeti – Metabolizmi”

Fusha e Endokrinologjisë përmban disa libra me autorësinë e Prof. Feçor Agaçit.

Ndër titujt kryesorë përmendim- “Bisedë për Diabetin e Sheqerit 141 pyetje – 141 përgjigje”, “Sëmundjet e Tiroides”. Urgjencat Endokrine – një libër që shpëton jetë./ CNA.al





Lajmet e fundit nga