web counter
LEXO PA REKLAMA!

SHKARKO APP

App Store
Google Play

Kallaku: Ja çfarë na e vështirësoi punën ndaj Kazakistanit

16 Nëntor 2020, 07:42, Sport CNA

Mesfushori Sherif Kallaku ishte titullar në ndeshjen e sotme të Shqipërisë ndaj Kazakistanit. Ish-futbollisti i Teutës, zhvilloi një ndeshje të mirë, ndërsa në konferencën pas sfidës u shpreh se në kombëtare duhet dhënë gjithnjë më e mira pavarësisht rolit ku aktivizohesh. Ndër te tjera, Kallaku theksoi se vështirësia më e madhe gjatë ndeshjes ishte terreni i fushës.

Të kënaqur nga kjo fitore? ?Normalisht jam shumë i lumtur për këtë fitore se na jep një vazhdimësi shumë të mirë, tani na pret edhe një finale kundër Bjellorusisë dhe shpresojmë ta kalojmë edhe atë. Gjithsesi, sot ishte një ndeshje e vështirë që kishte presionin e vet, por ne arritëm ta zgjidhnim shumë mirë dhe jam shumë i lumtur për fitoren?.

Së bashku me Uzunin në krah, si t?u duk kombinimi? ?Skema është e atillë që unë duhet të hapem në linjë sepse e kërkon trajneri. Si unë, ashtu edhe Memushaj në krahun tjetër. Mendoj që jam përshtatur mjaft mirë, por gjithsesi është ndeshja ime e dytë që luaj ashtu sepse në të parën e kam zhvilluar në Kazakistanin. Me Uzunin ndihem mirë, e njoh se kemi luajtur edhe te Laçi, nuk kam pasur ndonjë vështirësi. Vështirësia më e madhe sot, ishte terreni i vështirë?.

E ndjen besimin e trajnerit, pavarëisht se roli nuk është ai i joti natyral. Jeni të gatshëm të luani në kombëtare të luani kudo kërkon trajneri? ?Normalisht, në kombëtare pak rëndësi ka roli. E rëndësishme është të jesh dhe të japësh më të mirën kudo të aktivizon trajneri, edhe portier. Mundohem shumë, stërvitem fort për t?ia shpërblyer besimin se kjo është ajo që unë dua të bëj më mirë?.

Mendon se do të jesh te preferencat e Rejës, apo duhet të luftosh për ta mbajtur këtë besim? ?Mendoj se deri sa jam pjesë e kombëtares, jam pjesë edhe e preferencave të trajnerit, por kjo është pyetje që duhet t?ia bësh trajnerit se mund ta di më mirë përgjigjen?, u shpreh Kallaku.





Lajmet e fundit nga