web counter
LEXO PA REKLAMA!

SHKARKO APP

App Store
Google Play

E fundit!

x

Mjaft me klube, Shehi mund të marrë drejtimin e Kosovës ose të Shqipërisë

15 Nëntor 2020, 14:46, Sport CNA

Orges Shehi mund të kthehet shumë shpejt në pankinë, por jo për të drejtuar një klub, por një perfaqësuese. Ish-portieri i përfaqësueses shqiptare, ka provuar dy eksperienca në klubet e Skënderbeut e Kukësit, ndërsa tani duket se mund të ulet në pankinën e një ekipi kombëtar, duke e filluar nga moshat.

Shehi shihet si një kandidat i mundshëm për të marrë drejtimin e përfaqësueses U19 të Shqipërisë, në vendin e lënë bosh nga Nevil Dede i cili e braktisi për Tiranën. Por ky nuk është opsioni i vetëm për të. Sipas mediave kosovare, emri i Shehit ka përfunduar edhe në tavolinën e drejtuesve të Federatës së Futbollit të Kosovës.

Ai shihet si një prej opsioneve për të marrë drejtimin e përfaqësueses U21 të Kosovës, e cila do të bëjë ndryshime në pankinën e saj duke i dhënë lamtumirën Rafet Prekazit pas fundit të këtyre eliminatoreve.

Të dy opsione shumë interesante për Shehin, i cili ka deklaruar se në eksperiencën e radhës nuk do të dëshironte të merrte një detyrë të lënë në mes, siç ndodhi te Kukësi, por një projekt të cilin ta niste vetë nga fillimi.





Lajmet e fundit nga