web counter
LEXO PA REKLAMA!

SHKARKO APP

App Store
Google Play

E fundit!

x

Statistika e kuriozitete, ja çfarë duhet të dini për sfidën Shqipëri-Kazakistan

15 Nëntor 2020, 11:30, Sport CNA

Kombëtarja shqiptare e futbollit luan sot një ndeshje shumë të rëndësishme përballë Kazakistanit, një sfidë që është si një finale pasi na duhet medoemos një fitore që të vazhdojmë të ndjekim objektivin e kualifikimit në Ligën B. Një duel para të cilit e rëndësishme është të shihet edhe nga pikëpamja e statistikave dhe kurioziteteve se si shkon Shqipëria në këtë sfidë.

Shqipëria më në fund mund të thotë se ka thyer tersin e ndeshjeve radhazi pa shënuar, pasi i dha fund me miqësoren ndaj Kosovës ku triumfoi 2-1. Por gjithesi, mbetet një seri prej 3 ndeshjesh zyrtare pa shënuar, gjatë të cilave ka siguruar 2 barazime e 1 humbje, që bën të qartë se sa i rëndësishëm është bërë raporti me golin për kuqezinjtë.

Të paktën mbrojtja është ajo që jep një garanci më shumë për Rejan, pasi Shqipëria pëson pak gola. Asaj i mbetet vetëm të përmirësojë vëmendjen në pjesën e dytë të sfidës, pasi prej 5 ndeshjesh nuk pëson në 45 minutat e parë të sfidës.

Duket se e rëndësishme do të jetë që Shqipëria të shënojë, pasi deri tani, në të 8 ndeshjet që ka zhvilluar në Ligën e Kombeve, fituese ka dalë skuadra e cila ka tundur rrjetën, ndërsa ekipi kundërshtar e ka mbyllur pa shënuar.

Problem ndoshta mbetet fakti që brenda fushës së saj, Shqiëpria pëson gjithmonë gol, ose më saktësisht kështu ka ndodhur në 5 ndeshjet e fundit që ka luajtur në shtëpi. Megjtihatë, Shqipërisë i mjafton të shënojë golin e parë në këtë ndeshje për të dalë me pikë, pasi është një skuadër që vështirë se mund të përmbyset. Në 13 ndeshjet e fundit ku Shqipëria ka shënuar golin e parë, ajo ka regjistruar 11 fitore e vetëm 2 barazime.





Lajmet e fundit nga