web counter
LEXO PA REKLAMA!

SHKARKO APP

App Store
Google Play

E fundit!

x

Kosova ka humbur busullën, përmbyset edhe nga Sllovenia

15 Nëntor 2020, 21:42, Sport CNA

Kosova ka pësuar zhgënjimin e radhës nga Lubjana. ?Dardanët? humbën 2-1 sfidën kundër Sllovenisë, e vlefshme për xhiron e pestë në Ligën C në Ligën e Kombeve.

Pjesa e parë përfundoi me rrjeta të paprekura, me një loje të kujdesshme nga të dyja skuadrat, të cilat regjistruan disa gjysmë raste. Por 45 minutëshi i dytë nisi furishëm. Fillimisht, ishte Vedat Muriqi (58?) që realizoi për epërsinë e Kosovës pas asistimit të Bernard Berishës.

Megjithatë, gëzimi i tanëve u shua shumë shpejt pasi Kurtic (63?) arriti të barazonte rezultatin. Kur pritej fishkëllima e fundit e gjyqtarit, ky i fundit vendosi të akordonte penallti për vendasit, pas ?prekjes me dorë? të Fidan Alitit, e cila ishte tejet e dyshimtë.

Nga pika e bardhë i saktë u tregua Ilicic që realizoi golin e fitoren për kombëtaren e tij. Kur ka mbetur edhe një ndeshje deri në fund, Sllovenia mban vendin e parë me 13 pikë, aq sa ka edhe Greqia në pozitën e dytë.

Ndërkohë, Kosova tashmë ka tubuar dy pikë në vendin e tretë, kurse vendit e fundit e zë Moldavia me një pikë. Sfida e tre ditëve më vonë, kundër Moldavisë në ?Fadil Vokrri?, do të jetë përcaktuese nëse Kosova do të mbetet në Ligën C edhe për një edicion.





Lajmet e fundit nga