E fundit!

19:44 Aktualitet

Protesta e 46 kundër qeverisë/ Qytetarët marshojnë drejt Kryeministrisë

Ka nisur protesta e 46 kundër qeverisë. Protestuesit janë...

Liga e Kombeve/ Sot vendosen 4 ekipet që kualifikohen në Europian

12 Nëntor 2020, 09:29, Sport CNA

Katër vendet e fundit për në Europianin e verës do duhet të ishin vendosur me kohë, por biletat do të dorëzohen sot, pasi të luhen edhe ?finalet? e fundit për në Euro 2020 (shtyrë verën e ardhshme), me tek ndeshje. Janë biletat që vijë përmes rrugëtimit të kombëtareve në edicionin e parë të Ligës së Kombeve.

Ndeshjet në fjalë janë Hungari-Islandë, Irlandë e Veriut-Sllovaki, Serbi-Skoci dhe Gjeorgji-Maqedoni e Veriut, ky i fundit një duel që askush nuk e kishte parashikuar. Por një nga këto kombëtare do të shkojë për herë të parë në Europian, ku do të luajë në Grupin D, së bashku me Holandën, Ukrainën dhe Austrinë. Me pak fat mund të kishte shkuar Kosova në vend të Maqedonisë së Veriut, por ?Dardanët? u mundën në derbin ballkanik.

Më e vështirë do të jetë detyra e kush do të kualifikohet nga Hungari-Islandë, që do të bëjë pjesë në Grupin A, atë të ferrit, me Portugalinë, Francën dhe Gjermaninë. Kuriozitet përbën edhe rasti i Sllovakisë, që ka ndryshuar trajnerin vetëm një muaj më parë, pas fitores me penallti ndaj Irlandës: në stolin e Hamshikut me shokë është ulur provizorisht Stefan Trakoviç, i cili do të provojë që të marrë më të mirën ndaj një skuadre si Irlanda e Veriut, që pavarësisht se ka shtatë ndeshje që nuk ndjen aromën e fitores, ia doli gjithsesi të mbërrijë deri në këtë sfidë vendimtare, falë suksesit me penallti kundër Bosnjë Hercegovinës.

Ndeshja më e bukur pritet të jetë ajo mes Serbisë dhe Skocisë. Ballkanasit, falë Mitroviçit dhe MilinkoviçSaviçit, në gjysmëfinale mposhtën Norvegjinë plot me talente premtuese dhe tani, të ushqyer nga shpirti nacionalist, i cili i kalon kufijtë sportivë, kërkojnë të bëjnë të njëjtën gjë edhe ndaj kombëtares britanike, e pamposhtur prej 8 ndeshjesh, diçka që nuk ndodhte prej viteve 1980.

Serbia nuk ka marrë kurrë pjesë në një Kampionat Europian prej shpërbërjes së Jugosllavisë, ndërkohë që Skocisë i mungon një fazë finale e Europianit që prej Euro 1996 dhe pas suksesit ndaj kombëtares së Izraelit, është vetëm një hap rishkrimit të historisë.

NDESHJET

GJEORGJI?MAQEDONI E V. 18:00

HUNGARI ? ISLANDË 20:45

IRLANDË E V. ? SLLOVAKI 20:45

SERBI ? SKOCI 20:45