web counter
LEXO PA REKLAMA!

SHKARKO APP

App Store
Google Play

Shqipëria fiton miqësoren vëllazërore, vendosin Balaj dhe Uzuni

11 Nëntor 2020, 16:04, Sport CNA

Kombëtarja Shqiptare ka fituar miqësoren vëllazërore ndaj Kosovës me rezultat 2-1. Fillimi i kësaj ndeshje kaloi nën përshëndetjet e përzemërta mes lojtarëve të dy ekipeve, të cilët bënë një fotografi të gjithë së bashku.

Minutat e parë të ndeshjes i takuan Kosovës, që qarkullonte më mirë topin, por nuk arriti të tregohej e rrezikshme para portës së Etrit Berishës. Në anën tjetër, Shqipëria në rastin e parë të treguar, arriti të shënonte me Bekim Balajn, për 1-0 (31?).

Në pjesën e dytë, Kosova dukej edhe më e zbehtë në fushë, përkundër disa zëvendësimeve të bëra nga trajneri Muharrem Sahiti, që në këtë ndeshje zëvendësoi Bernard Challandes.

Shqipëria në anën tjetër, paraqitjen jo të mirë të Kosovës e shfrytëzoi sërish, kur në minutën e 65? realizuan për 2:0, nëpërmjet Myrto Uzuni. Kosova arriti të ngushtonte epërsinë në 2:1, duke shënuar nga penalltia me Vedat Muriqin, në minutën e 85?

Në minutat e fundit të ndeshjes, disa minuta u rezervuan edhe për golashënuesin më të mirë në Superligën e Kosovës, Mirlind Daku. Të dy kombëtaret ditëve në vazhdim, do zhvillojnë nga dy ndeshje në Ligën e Kombeve.





Lajmet e fundit nga