web counter
LEXO PA REKLAMA!

SHKARKO APP

App Store
Google Play

E fundit!

x

“Asgjë nuk po shkon mirë”/ Topalli: Ja tre elementët e krizës që më trembin

6 Nëntor 2020, 19:48, Politikë CNA

Ish-kryeparlamentarja Jozefina Topalli, ka folur sërish mbrëmjen e sotme për rikthimin e saj në politikë me Lëvizjen për Ndryshim.

Topalli ka deklaruar pak minuta më parë se vendi ndodhet në krizë të shumëanshme. Ajo tregoi se e trembin tre elementë shumë të rëndësishëm të kësaj krize që janë shpopullimi i Shqipërisë, varfëria ekstreme dhe borxhi i shtetit shqiptar.

?Jemi këtu pas tre dekadave kur gjërat nuk shkojnë mirë, asgjë nuk shkon mirë. Kemi një krizë të shumëanshme. Është një krizë, politike, ekonomike, morale. Ajo që mua më tremb janë tre element të kësaj krize. Kriza e parë është ajo që vjen nga shpopullimi i Shqipërisë, veçanërisht nga të rinjtë. Kjo është një dramë. Këto që po ikin kanë dy probleme të mëdha, e para se nuk po gjejnë asgjë te qeveria dhe e dyta është se nuk gjejnë shpresën. Përballë kësaj ata marrin vendime të vështira për të ikur diku që ata nuk e dinë se çfarë do gjejnë.

E dyta, sot që po flasim janë 40% e shqiptarëve që përballen me varfëri ekstreme. 40% e shqiptarëve jetojnë me 5 euro në ditë. Ne sot kemi bërë një hap para dhe dy hapa mbrapa, një hap para, tre hapa mbrapa.

Dhe pika e tretë që është përsëri një lloj alarmi, është borxhi që ka shteti shqiptar. Sot borxhi është në masën 83%. Kjo është një minë me sahat se nëse nuk bëjmë hapa përpara do i lejmë shqiptarëve borxhe të mëdha?, u shpreh ajo në Tv1 Channel./ CNA.al





Lajmet e fundit nga