web counter
LEXO PA REKLAMA!

SHKARKO APP

App Store
Google Play

E fundit!

x

Bardhi ironizon Ramën/ U lodh kot deri te plehrat, e kishte më afër burgun

6 Nëntor 2020, 16:56, Politikë CNA

Sekretari i Përgjithshëm i Partisë Demokratike, Gazment Bardhi, ka reaguar pas deklaratave të bëra gjatë ditës së sotme nga kryeministri Edi Rama.

Bardhi ka publikuar një nga videopërgjimet e Bild për shitblerjen e votave dhe thotë se kreu i qeverisë po sorollatet nëpër sheshet e plehrave me të njëjtin tekst mashtrimesh të shëmtuara.

Sipas tij, fjalimet e Ramës të bëjnë të kuptosh se në 8 vite pushtet ai nuk i ofroi asgjë shqiptarëve, asnjë ide, asnjë premtim të mbajtur, asnjë zhvillim.

Demokrati ironizon Ramën duke thënë se ky i fundit u lodh kot deri te plehrat, pasi e kishte më afër burgun për të bërë përzgjedhjen e kandidatëve me krimin e organizuar

?Asgjë e re nga Edi Rama. Me batuta të lodhura, sorollatet nëpër sheshet e plehrave me të njëjtin tekst mashtrimesh të shëmtuara. Një orë fjalim sot tek fusha e plerave, përsëriti të njëjtat gënjeshtra për PD, Lulzim Bashën, procesin e përzgjedhjes së kandidatëve për deputetë nga PD dhe për Opozitën e Bashkuar.

Mjafton të dëgjosh Edi Ramën për të kuptuar se në 8 vite pushtet si Kryeministër nuk i ofroi asgjë shqiptarëve, asnjë ide, asnjë premtim i mbajtur, asnjë zhvillim. Nuk ka asnjë bilanc në qeverisje, përveç projekteve që në 2 mandate mbeten vetëm në 3D, ndërkohë që nuk ka më propagandë që fsheh krimin dhe korrupsionin e Qeverisë së Dështimit. Vetëm me fjalë, tallje, fyrje dhe mashtrime nuk zgjidhen dot hallet e shtuara të qytetarëve shqiptarë.

U lodh kot deri tek plehrat, duke fyer dhe keqpërdorur socialistët e ndershëm, për gjoja përzgjedhjen 3D të kandidatëve për deputetë. E kishte më afër burgun, për të bërë atë që ka 8 vite që bën, përzgjedhjen e kandidatëve me krimin e organizuar?, shkruan ai në rrjetet sociale./ CNA.al





Lajmet e fundit nga