web counter
LEXO PA REKLAMA!

SHKARKO APP

App Store
Google Play

E fundit!

x

OFL “zbarkon” në Përmet dhe Gjirokastër/ Kërkon deklarimin e pasurisë për 2 të dënuar

4 Nëntor 2020, 12:16, Kronika CNA

Operacioni Forca e Ligjit ka zbarkuar sot në Përmet dhe Gjirokastër, ku u ka dorëzuar formularin e deklarimit të pasurisë 2 të dënuarve për vepra të rënda penal.

Përmes një njoftimi, bëhet me dije se do të japin llogari për pasurinë Përparim Muhameti i cili ka qenë i dënuar për veprën penale ?Organizatë Kriminale? dhe Barjam Boci i cili ka qenë i dënuar për veprat penale ?Organizata kriminale?, ?Kryerja e veprave penale nga organizata kriminale dhe grupi i strukturuar kriminal?, ?Vrasja e punonjësve të Policisë së Shtetit?, e kryer në bashkëpunim dhe ?Vrasja e punonjësve të Policisë së Shtetit?, e kryer në bashkëpunim, e mbetur në tentativë, në pesë raste.

Njoftimi i plotë:

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

Këta individë, si subjekt i Ligjit Special, duhet t?u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t?i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë. CNA.al/





Lajmet e fundit nga