web counter
LEXO PA REKLAMA!

SHKARKO APP

App Store
Google Play

Të akuzuar për vrasje dhe organizatë kriminale/ OFL ultimatum për pasurinë dy të fortëve

4 Nëntor 2020, 11:27, Kronika CNA

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e pasurisë dy personave të akuzuar për vrasje.

Bëhet fjalë për shtetasit me iniciale P.M., banues në Përmet, i dënuar për veprën penale ?Vrasja me paramendim? dhe  B. B., banues në Gjirokastër, i dënuar për veprat penale ?Organizata kriminale?, ?Kryerja e veprave penale nga organizata kriminale dhe grupi i strukturuar kriminal?, ?Vrasja e punonjësve të Policisë së Shtetit?, e kryer në bashkëpunim dhe ?Vrasja e punonjësve të Policisë së Shtetit?, e kryer në bashkëpunim, e mbetur në tentativë, në pesë raste.

Këta individë, si subjekt i Ligjit Special, duhet t?u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t?i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë./ CNA.al





Lajmet e fundit nga