Cungu: Pretendimet e Laçit janë rritur, ja çfarë synojmë

4 Nëntor 2020, 08:14, Sport CNA

Para ndeshjes që do të luhet nesër në mesditë në Ballsh, ka folur edhe trajneri i Laçit, Armando Cungu, i cili këtë verë ka pasu në dispozicion edhe shumë lojtarë cilësorë, të shtuar në organikën e tij, nga porta në sulm?Cungu fillimsht e nis prononcimin e tij për ?Sport News Plus?, duke analizuar grupin e lojtarëve dhe ndeshjen e Kupës së Shqipërisë me Vorën. ?Nuk është kampionati lehtë.

Vitet e fundit ka pasur konkurrencë, pasi ka ekipe të mirorganizuara. Nuk mund të thuash 1-2 ekipe janë të shkëputura nga të tjerët. Janë 4-5 ekipe që janë pranë njëra-tjetrës. Ndeshjet e para të kupës nuk janë problematike. Rezultati ishte i pastër. Nuk luajtën lojtarët me gjendjen më të mirë. Iu dhamë mundësi lojtarëve të rinj dhe të ardhur në merkato. Kampionati është shumë i ngjeshur dhe duhet t?i japim mundësi gjithkujt në mënyrë që të jemi të freskët?, theksoi trajneri shkodran i kurbinasve.

Afrimet

Cungu e thotë hapur se skuadra është më e fortë se vjet dhe ntayrisht që edhe synimet rriten në klub. ?Jemi më të fortë se vjet. Kemi më shumë alternativa. I përgjigjet konkurrencës dhe garës, kjo është një arsye plus për ekipin tonë duke parë dhe merkaton. Kam të drejtën e ligjshme së bashku me drejtuesit e lojtarët të shohim një Laç më të fortë se sezoni i kaluar. Vjet bëmë sezon shumë të mirë, e treguam edhe në Europë. Fakti që jemi forcuar, tregon se duhet të tentojmë diçka më tepër. Titulli nuk është i lehtë për ta kërkuar. Do të punojmë shumë. Mendoj se njëra prej ekipeve që ka qenë në Europë do të jetë fitues i titullit. Vjet kemi qenë ekip i cunguar, tani është ndryshe?.

Bylisi

Në fund, Armando Cungu ndalet te ndeshja në Ballsh dhe kërkon nga lojtarët e tij që të bëjnë më të mirën, që në start. ?Lojtarët duhet të kërkojnë më shumë nga vetja. Jemi më të rritur në aspektin e lojës. Të marrim më shumë përgjegjësi sepse jemi më të pjekur në anën profesionale dhe të dimë të kërkojmë nga vetja jonë më shumë. Kemi arsye të kërkojmë diçka më tepër.

S?jam shumë dakord që thonë se Laçi fiton vetëm në fushën e saj. Rezultatet na japin të drejtë, sepse kemi dalë mirë dhe në transferta. Fusha s?ka më peshë, pasi jemi pa tifozë. Mungesa e tifozëve na prish punë sepse sikur dhe 100 tifozë të jenë, karikimi është më i madh. Normalisht që është ndeshje e vështirë. Bylisi ka një ekip agresiv, luftojnë dhe vrapojnë shumë. Duhet të marrim masat për t?u paraqitur sa më mirë?.