Kaloi koronavirusin, por ja pse e humbi Uzuni sfidën e sotme me Ronaldon

4 Nëntor 2020, 07:30, Sport CNA

Myrto Uzuni më shumë se kush do tjetër, por edhe fansat e tij personalë dhe sportdashësit shqiptarë janë gëzuar jo pak dje, pasi ka ardhur lajmi se sulmuesi i Ferencvaroshit ka mundur të mposhtë Koronavirusin dhe të marrë kësh- tu lejen për t?u rikthyer në fushën e lojës. Madje, ishin po kaq të shumtë ata që shpresuan se mbrëmjen e sotme, në orën 21:00, në ?Pushkash Arena?, do të mund të shihnin në aksion Uzunin përballë idhullit të tij Kristiano Ronaldo, por ndoshta ky duel duhet të presë ndeshjen e kthimit, në Torino, më datë 24 nëntor.

Ditën e djeshme, përgjigjja e tamponit të tij ka dalë negativ dhe sipas rregullores (neni 7, pika 7 e protokollit UEFA), 25-vjeçari beratas mund të kishte shanse që të mund të grumbullohej nga Ferencvaroshi për duelin me kampionët e Italisë, por mesa duket ka qenë klubi që ka frenuar gjithçka.

Fakti që lojtari ka dalë dje në stërvitje me pjesën tjetër të skuadrës dha idenë se ndoshta trajneri Rebrov do ta merrte me vete Uzunin në pankinë. Por i kontaktuar nga ?Panorama Sport?, për të qartësuar më shumë situatën rreth tij, duke parë se futbollisti i Kombëtares kuqezi ishte kthyer 24 orë përpara sfidës, Uzuni ka konfirmuar se nuk është me pjesën tjetër të skuadrës së Ferencvaroshit në grumbullim. Shqiptari është larguar në shtëpinë e tij dhe kjo me shumë mundësi do të thotë se Uzuni nuk do të jetë pjesë e ndeshjes së sotme kundër Juventusit dhe Kristiano Ronaldos me shokë.

Arsyeja e kësaj zgjedhjeve të bërë nga trajneri i Ferencvaroshit nuk kuptohet, por ndoshta fakti se Myrto Uzuni nuk është stërvitur me pjesën tjetër të ekipit gjatë karantinës së detyruar dhe duke mos pasur formën ideale, ka bërë që ai të lihej jashtë grupi.

Sigurisht që ky është një mëkat i madh për futbollistin kuqezi, por edhe për sportdashësit shqiptarë, duke qenë se nuk ndodh shpesh që një shqiptar të ketë shansin të sfidojë jo vetëm Kristiano Ronaldon, por edhe Lionel Mesin, duel të cilin Myrto Uzuni e humbi gjithashtu në ?Kamp Nou?, duke qenë se pikërisht përpara ndeshjes me Barcelonën, 25-vjeçari rezultoi pozitiv me ?COVID?.