web counter
LEXO PA REKLAMA!

SHKARKO APP

App Store
Google Play

E fundit!

x

“Situata e Covid-19 në Shqipëri shqetësuese”/ Dasho jep alarmin: Kjo është kriminale

29 Tetor 2020, 07:46, Aktualitet CNA

Eksperti i Shëndetit Publik, Erion Dasho ka folur rreth kufizimeve të pjesshme që po ndodhin në Gjermani për shkak të situatës së pandemisë së Covid-19, por edhe për situatën në spitale.

Gjatë një interviste për ?Euronews Albania?, Dasho u shpreh se sistemi shëndetësor në Gjermani i referohet kapaciteteve spitalore dhe për këtë arsye nuk ka pasur ndryshime shqetësuese. Drejtori i Shëndetit dhe Inovacionit në Frankfurt tha se Gjermania ka numrin më të lartë të shtretërve për banorë në Europë.

?Në këto kushte megjithëse rritja e rasteve është e lartë, shtretërit spitalorë janë ende të lirë, madje në atë nivel sa Gjermania i ka ofruar ndihmë Belgjikës, Hollandës apo Republikës Çeke për të pranuar pacientë nga këto shtete nëse do të jetë e nevojshme?, tha Dasho.

Ndërkaq ai shprehu shqetësimin për situatën e pandemisë në Shqipëri ku qytetarët po i marrin vetë përsipër kostot e COVID-19. Sipas tij shqiptarët janë duke paguar shumë për testet në institucionet private, për trajtimin e infeksionit dhe madje po paguajnë për t?u trajtuar në shtëpi njësoj siç do të mund të trajtoheshin në spital ndërkohë që kjo është jashtë çdo praktike mjekësore.

?Gjermania ka futur tani në përdorim edhe testet e shpejta të cilat janë shumë të lira, testet që në Gjermani kushtojnë disa euro mua më vijnë informacione nga Shqipëria që i njëjti test po ofrohet mbi 100 euro. Është kriminale?, tha Erion Dasho në fjalën e tij.

Së fundmi mjeku apeloi për testimet në Shqipëri të cilat duhet të shtohen në mënyrë që të parandalohet përhapja në masë e virusit. CNA.al/





Lajmet e fundit nga