web counter
LEXO PA REKLAMA!

SHKARKO APP

App Store
Google Play

E fundit!

x

Myslymi dhe Jozefina janë PD-ja që po kthehet të përmbysë Ramën

28 Tetor 2020, 08:29, Politikë CNA

Sot gazeta zyrtare e Partisë Demokratike, Rilindja Demokratike hapi zyrtarisht fushatën kundër ish- Partisë Demokratike.

Për Republiken e Re kanë pak rëndësi tekstet e artikujve të gazetës, sa kohë që bëhet fjalë për një gazetë që nuk e lexon më askush.

Nuk ka asnjë zyrtar aktiv të Republikës së Re që lexon Rilindjen Demokratike.

Ajo që po shpërndahet që prej mbrëmjes së djeshme është thjeshtë fotografia e faqes së parë të asaj që dikur përfaqësonte PD-në.

Kush nxori atë foto është i sigurtë që askush nuk e beson se Jozefina Topalli na qenka një kukull e Ramës.

Kush nxori atë foto e di se Myslym Murrizi nuk ka asgjë prej kukulle, (aq me pak të Ramës), sa kohe që është deri tani i vetmi që është artikuluar publikisht edhe kundër Sali Berishës.

Kush nxori atë foto e di që Rudina nuk është personi i parë me mbiemër Hajdari që sulmohet paturpësisht nën siglen e RD-së.

Sigurisht kush nxori atë foto e di që nuk do e marrë njëri seriozisht, aq më pak Patozi që di dhe mund të kujtojë diçka më shumë se të tjerët sesi funksionon ajo faqe e parë.

Ajo foto është sipari i fushatës elektorale të Republikes së Re.

Me sa duket do jete e vetmja fushatë e vërtetë e Lulit deri në Mars.

Luli e di që këtyre “kukullave” nuk i ve dot gjoba ndaj lëshoi kushtrimin për punonjësit e Kunatit.

Në epokën e facebook-ut nuk ke nevojë për emër, fytyrë dhe numër për t?u legjitimuar si oponent politik.

Duket se kjo epokë është thurur enkas për profilet false të Luli Bashës. Në një fushatë të mjerë duket sikur Luli Basha i ka shpallur luftë ish-PD-së.

Por Luli nuk e fitoi kurrë PD-në, ndaj nuk e mund dot ish-PD-në.

Hajdari bllokon foltoren e Kuvendit/ Reflektoni, ndalojeni këtë seancë të shëmtuar!PD-ja është gjithçka që nuk paguhet nga Kunati dhe demokratët janë gjithë të braktisurit nga Repubkika e Re.

Dhe ata janë shumë!

Aq shumë sa mund të rrëzojnë Edi Ramën.

Kësaj i druhet Luli Basha!

Ata demokratë nuk votojnë Luli Bashën. Ata do votojnë Myslymin dhe Jozefinën!

Sepse ata votojnë PD-në!

Ajo që ka siguruar Luli Basha janë veç zyrat e PD.

Luli Basha përzuri PD-në për të shndërruar partinë e ëndrrës europiane, në biznesin privat të dy familjeve.

Ka kohë tashmë që të gjithë shqiptarët kanë parë dhe dëgjuar se si Edi Rama e trajton Luli Bashën publikisht si ?kukullën e vet të ëmbel?.

Ndaj shijoje Luli!

PD që përzutë, po kthehet të marrë hak!

Jo nga zyrat e tua të boshatisura, por nga rrugët e gjithë Shqipërisë.

Atje ku jetojnë ende demokratët./ CNA.al





Lajmet e fundit nga