web counter
LEXO PA REKLAMA!

SHKARKO APP

App Store
Google Play

E fundit!

x

Kur vettingu në polici bën krimin e radhës

23 Tetor 2020, 13:56, Vetingu CNA

Komisioni i Jashtëm i Vettingut ka shkarkuar ditën e sotme nga detyra Besim Shabanin, zv.drejtorin për Sigurinë Fizike të PLSH-ve, të personaliteteve të larta shtetërore.

Sipas Komisionit, Shabani nuk justifikonte 20 mijë dollar për blerjen e një banese. Lidhur me shkarkimin e Shabanit kanë reaguar shumë njerëz të botës së medias si Artan Hoxha, Arsen Rusta por edhe kolegë të Gardës dhe uniformave blu të cilët janë shprehur se Garda e Republikës sot ka humbur një oficer model, që ka shërbyer në të gjitha qeveritë postkomuniste.

Për komisionin vlerësues ishte një subjekt që nuk arriti të vërtetojë dot se për pasurinë e tij, në përbërje të së cilës ishte vetëm një apartament parafabrikat 71 m katrorë në periferi të Tiranës, për të cilin kishte kontribuar vëllai, emigrant në Shtetet e Bashkuara të Amerikës.

Por kush ishte ky ?peshk i madh? i kapur nga drejtësia e Komisionit të Jashtëm të Vlerësimit sot?

Kolonel Besim Shabani për këdo që e njeh ndër rradhët e punonjësve të Gardës që prej vitit 1993, ishte një Oficer shembull, i devotshëm, bashkëpunues me institucionet shtetërore, i disiplinuar dhe kurdoherë i gatshëm për të ofruar ndihmën e tij. Ishte profesionisti që mori pjesë në qindra delegacione të huaja që vizituan Shqipërinë, ishte Oficeri që nderonte imazhin e Gardës në sajë të etikës së pashembullt dhe integritetit moral.

Ushtaraku që e nisi karrierën pas përfundimit të Shollës së Bashkuar Skënderbej ka punuar në vite të vështira duke rrezikuar jo pak herë jetën në krye të detyrës. I ka ngjitur shkallët e karrierës duke merituar çdo detyrë që i është besuar, duke mos bërë kurrë kompromise që shkelnin parimet e tij të moralit.

Por, mesa duket për Komisionin e Vetingut e gjithë kjo nuk mjafton.

Kjo që ndodhi sot nuk është vetting por krimi i rradhës. /CNA.al





Lajmet e fundit nga